ᓂᐅᕕᐊᒃᓴᖃᖅᑎᐅᖃᑕᐅᒋᑦ

ᓂᐅᕕᐊᒃᓴᖃᖅᑎᐅᑉ ᐱᕚᓪᓕᕈᑎᖏᑦ

1. ᐃᓄᒋᐊᖃᑦᑕᕐᓂᖓᓄᑦ ᐊᑐᐃᓐᓇᐅᕙᒌᕐᓂᖓ:
   ᐋᖅᑭᓯᒪᕙᒌᕐᓂᖓᓄᑦ ᖃᕋᓴᐅᔭᑎᒍᑦ ᓂᐅᕕᕐᕕᒃᐳᑦ ᐅᐸᓗᖓᐃᔭᖅᓯᒪᓂᖓ, ᑖᓐᓇ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᖃᕋᓴᐅᔭᑎᒍᑦ ᓂᐅᕕᕐᕕᒃ ᐃᓄᒋᐊᖅᑐᓄᑦ ᐊᑐᖅᑕᐅᒐᔭᖅᑐᖅ ᐊᒻᒪ ᓂᐅᕕᕐᕕᐅᕐᔪᐊᕐᓗᓂ. ᓴᖅᑮᓂᕐᒥᑦ ᖃᕋᓴᐅᔭᑎᒍᑦ ᓂᐅᕕᕐᕕᖕᒥᑦ ᐊᒻᒪ ᑮᓇᐅᔭᐃᔭᕐᓂᕐᒥᑦ ᓂᐅᕕᐊᒃᓴᖃᕐᓂᕐᒥᑦ ᑕᐅᓴᖏᓐᓃᑦᑐᓂᑦ ᑮᓇᐅᔭᖅᑖᕐᓂᓛᖅᑐᖅ ᑭᓯᐊᓂ ᐃᓄᒋᐊᖅᑐᓂᒃ ᖃᐅᔨᔭᐅᒐᔭᙱᑦᑐᑎᑦ.
2. ᐊᑭᑭᑦᑐᑦ ᐱᒋᐊᕈᑎᒃᓴᓄᑦ ᐊᑭᖏᑦ:
   ᑖᓐᓇ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᓂᐅᕕᐊᒃᓴᖃᕐᕕᒃ ᑮᓇᐅᔭᕐᓂᒃ ᐊᑐᙱᓐᓂᖅᓴᐅᓕᕋᔭᖅᑕᑎᑦ ᐊᑐᐃᓐᓇᐅᑎᑦᑎᓲᖑᒪᑕ ᐊᓪᓚᕝᕕᓯᐅᑎᓂᒃ, ᓂᐅᕐᕈᑎᖃᕐᓂᕐᒧᑦ ᐊᒻᒪ ᖃᕋᓴᐅᔭᓕᕆᔾᔪᑎᓂᒃ ᐱᕙᓪᓕᐊᑎᑦᑎᓂᕐᒧᑦ ᐱᔨᑦᑎᕋᐅᑎᓂᒃ ᐃᓕᖕᓄᑦ ᐊᒻᒪ ᓂᐅᕕᖅᐸᒃᑐᓄᑦ.
3. ᐱᔭᕆᐊᑭᓪᓕᓯᒪᔪᑦ ᐊᐅᓪᓚᖅᑎᑦᑎᓂᕐᒧᑦ:
   ᓂᐅᕕᐊᒃᓴᐅᔭᖅᑐᓕᕐᓗᑎᒃ ᖃᕋᓴᐅᔭᒃᑯᑦ ᓂᐅᕕᐊᒃᓴᖃᓲᑦ ᑲᒪᒋᔭᖃᕆᐊᓖᑦ ᐊᒥᓱᓂᑦ ᐱᔭᕆᐊᑐᔪᓂᒃ ᐊᒻᒪ ᐊᐅᓪᓚᖅᑎᑦᑎᓂᕐᒧᑦ, ᑎᑭᓵᓂᒡᓗ ᐱᓕᕆᐊᖃᕐᓂᕐᒥᑦ, ᓱᓇᒃᑯᑖᑦ ᑐᑭᓯᒋᐊᕈᑎᖏᓐᓂᒃ ᓄᑖᙳᕆᐊᖅᑎᑦᑎᓂᕐᒥᑦ, ᐊᑭᖏᓐᓂᒃ, ᐊᓯᖏᓐᓂᓪᓗ. ᑖᓐᓇ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᓂᐅᕕᐊᒃᓴᖃᕐᕕᒃ ᐃᑲᔪᓲᖅ ᐋᖅᑭᒃᓯᑲᐅᑎᒋᓲᖑᓪᓗᓂ ᑖᒃᑯᓂᖓᓕᒫᐸᓗᒃ.
4. ᐊᑲᐅᓈᖅᑎᑦᑎᓂᖅ:
   ᓂᐅᕕᐊᒃᓴᖃᖅᑐᑦ ᑕᐃᑲᓂ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᓂᐅᕕᐊᒃᓴᖃᕐᕕᖓ ᑲᒪᒋᔭᖃᕈᓐᓇᖅᑐᖅ ᓱᓇᒃᑯᑖᑉ ᑭᓲᓂᖏᓐᓄᑦ, ᐊᖏᓐᓂᒃ, ᐊᒻᒪ ᓇᒧᑦ ᓇᒃᓯᐅᔾᔨᔪᓐᓇᕐᒪᖔᑦ, ᐃᓚᓯᒋᐊᕈᓐᓇᖅᑐᑦ, ᐊᒻᒪ ᓄᑖᙳᖅᑎᕆᔪᓐᓇᖅᑐᑦ ᐊᑲᐅᓈᖅᑎᑦᑎᓗᑎᒃ. ᑕᒪᓐᓇ ᐊᑲᐅᓈᖅᑎᑦᑎᓂᖅ ᐊᑑᑎᖃᑦᑎᐊᖅᑐᖅ ᖃᕋᓴᐅᔭᓕᕆᓂᕐᒥᑦ ᖃᐅᔨᒪᓂᖃᙱᒃᑲᓗᐊᕈᕕᑦ.
5. ᐊᔾᔨᒌᙱᑦᑐᓂᑦ ᓱᓇᒃᑯᑖᕐᓂᑦ ᐊᑐᐃᓐᓇᖅᑕᓕᒃ:
   ᑖᓐᓇ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᓴᖅᑭᔮᖅᑎᑦᑎᔪᖅ ᓇᑦᑎᕋᔭᓐᓂᒃ ᓴᓇᔭᐅᓯᒪᔪᓂᑦ ᐊᔾᔨᒌᙱᑦᑐᓄᑦ ᓄᓇᖃᖅᑳᖅᓯᒪᔪᓄᑦ ᒥᖅᓱᖅᑎᓄᑦ. ᕿᓂᑯᑖᙱᖔᕐᓗᑎᑦ ᐱᖁᑎᓂᑦ ᐃᑭᐊᖅᑭᕕᓕᒫᒥᑦ, ᓂᐅᕕᕈᒪᔪᑦ ᕿᒥᕐᕈᕈᓐᓇᖅᑐᑦ ᐊᑕᐅᓯᕐᒥᑦ ᓂᐅᕕᐊᒃᓴᓕᖕᒥ ᓇᓂᓯᓗᑎ ᐱᒍᒪᔭᓕᒫᖏᓐᓂᒃ ᓱᓇᒃᑯᑖᑦ ᑭᓲᒋᐊᒃᓴᖏᓐᓄᑦ.

ᐊᑭᓕᖅᓱᐃᓂᖅ

1. ᐊᑎᓕᐅᕆᓂᖅ ᐊᑭᖃᙱᑦᑐᖅ ᑭᓯᐊᓂ ᑕᖅᑭᑕᒫᑦ ᐊᑭᓕᕆᐊᓕᒃ.
2. ᓂᐅᕕᐊᒃᓴᖃᖅᑎ ᐊᖏᖅᑐᖅ ᐊᑭᓖᓂᐊᕐᓗᓂ ᐊᑭᓕᕆᐊᖃᓪᓚᕆᒃᑐᒥᑦ 2.9 ᐳᓴᓐᑎᒥᒃ ᓂᐅᕕᕐᕕᐅᒐᐃᒍᓂ (ᖃᖓᑦᑕᐅᑎᖏᑦ ᐃᓚᓕᐅᑎᓯᒪᔪᑦ) + $0.30/ᓂᐅᕕᖅᑐᖃᒐᐃᒻᒪ ᖃᕋᓴᐅᔭᒃᑰᕈᑕᐅᔪᓕᒫᓂᒃ

ᓂᐅᕕᐊᒃᓴᖃᖅᑕᐅᑉ ᐱᔪᓐᓇᖅᑎᑕᐅᒐᔭᖅᑐᑦ ᓈᒻᒪᒋᔭᐅᔪᑦ

1. ᓂᐅᕕᐊᒃᓴᖃᖅᑏᑦ ᓴᖅᑮᒋᐊᓖᑦ ᓇᖕᒥᓂᖅ ᑭᓲᓂᕐᒥᑦ ᓄᓇᖃᖅᑳᖅᓯᒪᔪᑦ (ᐊᓪᓚᐃᑦ, ᐃᓄᐃᑦ, ᐊᒻᒪ ᐊᓪᓚᖓᔪᑦ) ᐊᒻᒪ ᑲᓇᑕᒦᕆᐊᓖᑦ.
2. ᑕᐃᑲᓂ ᐃᓚᓕᐅᑎᓯᒪᔪᖅ 1 ᓂᐅᕕᐊᒃᓴᖃᖅᑎᐅᑉ ᐊᐱᖅᓲᑎᖏᑦ, ᓂᐅᕕᐊᒃᓴᓖᑦ ᓇᓗᓇᐃᕆᐊᓖᑦ ᓇᓕᐊᓐᓂᒃ ᓄᓇᓕᓐᓂᙶᕐᒪᖔᑦ ᒫᓐᓇᐅᔪᕐᓗ ᓇᒦᒻᒪᖔᑦ.
3. ᐱᖁᑏᑦ ᐊᒡᒐᖕᓄᑦ ᓴᓇᓯᒪᕆᐊᓖᑦ ᓂᐅᕕᐊᒃᓴᓕᖕᓄᑦ.
4. ᓄᓇᑦᓯᐊᕐᒥ ᓂᐅᕕᐊᒃᓴᖃᖅᑏᑦ ᐊᑎᓕᖅᓯᒪᒋᐊᖃᕐᒥᔪᑦ ᓄᓇᑦᓯᐊᕐᒥ ᓴᓇᐅᒐᕐᓄᑦ ᐃᑲᔫᑎᖓᓄᑦ. ᐅᕘᓇ ᓇᕿᓪᓗᒍ ᐊᑎᓕᐅᓂᕐᒧᑦ ᑖᒃᑯᓄᖓ ᓄᓇᑦᓯᐊᕐᒥ ᓴᓇᐅᒐᕐᓄᑦ.
5. ᐊᑐᓂ ᓂᐅᕕᐊᒃᓴᓕᒃ ᑐᓐᓂᕆᔭᐅᓂᐊᖅᑐᖅ ᓂᐅᕕᐊᒃᓴᖃᕐᓂᕐᒧᑦ ᐊᑎᕐᒥ ᐊᒻᒪᓗ ᐃᓯᕈᓐᓇᐅᑎᒥᒃ ᓴᓇᒋᐊᖃᕋᔭᖅᑐᑦ ᐃᓯᕈᓐᓇᓚᐅᙱᓐᓂᖏᓐᓂᒃ ᓴᖅᑮᓂᕐᒧᑦ ᐱᖁᑎᖓᓂ ᖃᕋᓴᐅᔭᒃᑯᑦ ᓂᐅᕕᒃᕕᖕᒥ.
6. ᓂᐅᕕᐊᒃᓴᖃᖅᑎᐅᑉ ᑲᑎᖅᓱᖅᓯᒪᔭᖏᑦ ᐃᓚᖃᕆᐊᓖᑦ ᑕᒪᕐᒥᐸᓗᒃ ᓇᑦᑎᕋᔭᐅᓗᑎᒃ ᐊᒻᒪᓗ ᐊᓯᖏᓐᓂᒃ ᓄᓇᒥᙶᖅᑐᓂᒃ ᐃᒫᓂᙶᖅᑐᓂᒡᓘᓐᓃᑦ ᓱᓇᒃᑯᑖᖑᓗᑎᒃ.
7. ᓂᐅᕕᐊᒃᓴᖃᖅᑏᑦ ᓂᐅᕐᕈᑎᖃᕈᒪᒃᐸᑕ ᓇᑦᑎᕋᔭᖏᓐᓂᒃ ᔫᕋᐲᔭᓐ ᔫᓐᔭᓐᒥ (EU), ᓇᓗᓇᐃᖅᓯᑦᑎᐊᕆᐊᓖᑦ ᐱᖁᑎ ᓴᓇᓯᒪᓂᖓᓄᑦ ᕿᓯᕋᔭᖕᒧᑦ ᓇᓗᓇᐃᒃᑯᓴᖅᑕᐅᓯᒪᔪᒧᑦ ᐃᓕᓴᕆᔭᐅᓯᒪᔪᒧᑦ ᑎᒥᖁᑎᒧᑦ (ᓄᓇᕗᑦ ᒐᕙᒪᖓ, ᓄᓇᑦᓯᐊᖅ ᒐᕙᒪᖓ ᐅᕝᕙᓘᓐᓃᑦ ᑲᓛᖦᓖᑦ ᓄᓈᑦ).

ᐊᑎᓕᐅᕆᓂᕐᒧᑦ ᐱᕙᓪᓕᐊᓂᖓ

1. ᐱᔭᕇᕐᓗᒍ ᐃᓚᓕᐅᑎᓯᒪᔪᖅ 1 ᓂᐅᕕᐊᒃᓴᖃᖅᑎᐅᑉ ᓇᒦᓕᕆᐊᒃᓴᖓᓂ ᓈᒻᒪᒋᔭᐅᔪᑦ ᐅᕙᖓ ᓇᒃᓯᐅᑎᓗᒍ info@proudlyindigenouscrafts.com.
2. ᓱᓇᒃᑯᑖᑎᑦ ᑎᑭᐅᒪᑦᑎᐊᕆᐊᓖᑦ ᐱᐅᑦᑎᐊᕐᓗᑎ, ᓇᑭᙶᕐᖔᕐᒪᖔᑦ ᐊᒻᒪ ᐊᑦᑕᕐᓇᕐᔭᐃᖅᓯᒪᓗᑎᒃ. ᖃᐅᔨᓴᕐᓂᕐᒧᑦ ᑲᑎᒪᔨᕋᓛᑦ ᖃᐅᔨᓴᒃᑲᐃᒐᔭᖅᑐᑦ ᓈᒻᒪᒋᔭᐅᖕᒪᖔᖅᐱᑦ ᓂᐅᕕᐊᒃᓴᖃᕈᓐᓇᕈᕕᑦ ᓇᑦᑎᕋᔭᖁᑎᓐᓂᒃ ᑕᐃᑲᓂ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᖃᕋᓴᐅᔭᑎᒍᑦ ᓂᐅᕕᕐᕕᖕᒥᑦ.
3. ᐊᖏᖅᑕᐅᓯᒪᓕᕈᕕᑦ ᓂᐅᕕᐊᒃᓴᖃᖅᑎᐅᓂᕐᒧᑦ, ᑕᑕᑎᕆᐊᓖᑦ ᐊᒻᒪ ᑐᓂᓗᒍ ᑖᒃᑯᐊ ᑎᑎᖅᑲᑦ ᐅᕗᖓ info@proudlyindigenouscrafts.com:
   A) ᐃᓚᓕᐅᑎᓯᒪᔪᖅ 2 ᓇᑦᑎᕋᔭᐅᑉ ᑭᓲᓂᖓᓂ ᑕᑕᑎᕆᐊᓕᒃ
   B) ᑭᓇᐅᒋᐊᒃᓴᓐᓂ ᐅᓂᒃᑳᓕᐊᖅ (+- 250 ᐅᖃᐅᓰᑦ)
   C) ᑮᓇᑉᐱᑦ ᐊᔾᔨᙳᐊᖓᓂᒃ ᑕᑯᒃᓴᐅᑦᑎᐊᕐᓗᓂ
   D) ᐊᔾᔨᙳᐊᑦ ᓴᖅᑭᔮᖅᑎᐊᖅᑐᑦ ᓱᓇᒃᑯᑖᕐᓄᑦ (ᑕᑯᓗᒋᑦ ᒪᓕᖁᔭᐅᔪᑦ ᑕᐃᑲᓂ ᐃᓚᓕᐅᑎᓯᒪᔪᖅ 5 ᐊᔾᔨᙳᐊᑦ ᒪᓕᒋᐊᓖᑦ ᑕᐃᑲᓂ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᖃᕋᓴᐅᔭᑎᒍᑦ ᓂᐅᕕᕐᕕᖕᒥᑦ)
   E) ᐊᑎᓕᐅᖅᓯᒪᔪᖅ ᓂᐅᕕᐊᒃᓴᖃᖅᑎᐅᑉ ᒪᓕᒋᐊᖃᖅᑕᖏᑦ ᑎᑎᖅᑲᖅ
4. ᐱᖃᑕᐅᓗᑎᑦ ᖃᕋᓴᐅᔭᑎᒍᑦ ᐱᓕᒻᒪᒃᓴᐃᓂᕐᒧᑦ ᐊᐅᓚᑦᑎᔨᐅᔪᒥᑦ.
5. ᐊᑎᓕᐅᕐᓗᑎᑦ ᐸᐃᐸᓪᒧᑦ how to set up a stripe account. If you do not have a Stripe account, you can register here.
6. ᐊᑎᓕᐅᕐᓗᑎᑦ ᑲᓇᑕᒥ ᑎᑎᖅᑲᓂᐊᕐᕕᖕᒧᑦ, ᑕᐃᒪᐃᒋᐊᖃᕈᕕᑦ.
7. ᐊᑎᓕᐅᕐᓗᑎᑦ ᓱᓇᒃᑯᑖᓄᑦ/ᐱᔨᑦᑎᕋᐅᑎᓄᑦ/ᓂᐅᕕᐊᒃᓴᖃᕐᓂᕐᒧᑦ ᑖᒃᓰᔭᐅᑎᓄᑦ (GST/HST), ᑕᐃᒪᐃᒋᐊᖃᕈᑯᑦ.
8. ᐋᖅᑭᓪᓗᒍ ᓂᐅᕕᐊᒃᓴᖃᖅᑎᐅᑉ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᐃᓯᕐᕕᖓ.
9. ᓄᑖᙳᕆᐊᖅᑎᖃᑦᑕᕐᓗᒋᑦ ᓱᓇᒃᑯᑖᑎᑦ ᑕᐃᒪᐃᒋᐊᖃᓕᕋᐃᒍᕕᑦ.

ᐃᑲᔪᕆᐊᖃᕈᕕᑦ ᐊᑐᐃᓐᓇᐅᔪᒍᑦ! ᓂᐅᕕᐊᒃᓴᖃᖅᑎᐅᖃᑕᐅᒍᒪᒍᕕᑦ ᑭᓯᐊᓂ ᐃᑲᔪᖅᑕᐅᒋᐊᖃᕈᕕᑦ ᐊᑎᓕᐅᕐᓂᕐᒧᑦ, ᖃᐅᔨᒋᐊᕐᕕᒋᑎᒍᑦ ᐅᕗᖓ info@proudlyindigenouscrafts.com!