ᐊᐱᖅᑯᑕᐅᒐᔪᒃᑐᑦ

ᓇᓗᓇᐃᒃᑯᑎᕗᑦ
1. ᑭᓇ ᑲᒪᒋᔭᖃᓲᖑᒻᒪᑦ ᑖᔅᓱᒥᖓ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᖃᕋᓴᐅᔭᒃᑰᕈᑎᖓᓂ ᐊᒻᒪᓗ ᖃᓄᖅ ᐃᓄᐃᑦ ᐃᓯᖏᓪᓗ ᓄᓇᖃᖅᑳᖅᓯᒪᔪᑦ ᐱᖃᑕᐅᕙᒻᒪᖔᑦ ᐃᓱᒪᓕᐅᕆᑎᓪᓗᒋᑦ ᐱᓕᕆᓂᐅᔪᒥᑦ?

ᑲᑐᔾᔨᖃᑎᒌᑦ, ᓇᑦᑎᕐᓄᑦ ᐊᒻᒪᓗ ᓇᑦᑎᓕᕆᓂᕐᒧᑦ ᑲᓱᖃᑎᒌᒃᓯᒪᔪᑦ (SSN) ᐱᓇᓱᐊᖅᑕᖓᑦ ᑲᑎᖃᑎᒌᑎᑦᑎᓂᕐᒥᑦ ᑲᓇᑕᐅᑉ ᓇᑦᑎᕋᓱᖕᓂᖓ ᐊᖑᓇᓱᒃᑎᖏᓐᓂᒃ, ᕿᓯᓕᕆᔨᓂ, ᓂᐅᕕᐊᒃᓴᖃᖅᑎᓂᑦ, ᓂᐅᕕᕐᕕᖕᓂᑦ, ᐊᒻᒪ ᓄᓇᖃᖅᑳᖅᓯᒪᔪᑦ ᑲᓇᑕᒥᐅᑦ ᓴᖅᑭᔮᖅᑎᑦᑎᓂᕐᒧᑦ ᐊᒻᒪ ᓂᐅᕐᕈᑎᖃᕐᓂᕐᒧᑦ ᐱᐅᑦᑎᐊᖅᑐᓂᒃ ᐊᒻᒪ ᒪᑭᒪᑎᑕᐅᒍᓐᓇᖅᑐᓂ ᑲᓇᑕ ᓇᑦᑎᕋᔭᖕᓂᒃ. ᑕᑯᒃᑲᓐᓂᕈᓐᓇᖅᑐᑎᑦ ᑐᓴᖅᑕᐅᔪᒃᓴᓂᑦ ᓇᑦᑎᕐᓄᑦ ᐊᒻᒪᓗ ᓇᑦᑎᓕᕆᓂᕐᒧᑦ ᑲᓱᖃᑎᒌᒃᓯᒪᔪᓄᑦ ᐅᕙᓂ  https://canadiansealproducts.com/about-us

ᓇᑦᑎᕐᓄᑦ ᐊᒻᒪᓗ ᓇᑦᑎᓕᕆᓂᕐᒧᑦ ᑲᓱᖃᑎᒌᒃᓯᒪᔪᑦ ᑮᓇᐅᔾᔭᕋᓱᐊᙱᑦᑐᑦ ᑲᑐᔾᔨᖃᑎᒌᑦ ᐱᔭᒃᓴᖃᖅᑐᑦ ᐊᐅᓚᑦᑎᓂᕐᒥᑦ ᖃᕋᓴᐅᔭᑎᒍᑦ ᓂᐅᕕᕐᕕᖕᒥᑦ. ᐃᓱᒪᓕᐅᕆᓂᕐᒧᑦ ᐊᒻᒪ ᐊᑐᓕᖅᑎᑦᑎᓂᕐᒥᑦ ᐊᔾᔨᒌᙱᑦᑐᓂᑦ ᑖᔅᓱᒧᖓ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᖃᓄᐃᓕᐅᕈᑎᒃᓴᑦ ᑲᑐᔾᔨᖃᑎᖃᑦᑎᐊᓲᑦ ᑖᒃᑯᓂᖓ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᑲᑎᒪᔨᕋᓛᖏᓐᓂᒃ ᐊᒻᒪ ᑲᑐᔾᔨᖃᑎᖃᖅᑐᑎᒃ ᓄᓇᖃᖅᑳᖅᓯᒪᔪᑦ ᓇᑦᑎᕐᒧᑦ ᑲᑎᒪᔨᕋᓛᖏᓐᓂᒃ. ᑖᓐᓇ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᑲᑎᒪᔨᕋᓛᑦ ᐃᓚᖃᖅᑐᑦ ᑭᒡᒐᖅᑐᐃᔪᒥᑦ ᓄᓇᕗᑦ ᒐᕙᒪᒃᑯᖏᓐᓂᒃ ᐊᒻᒪ ᓄᓇᑦᓯᐊᖅ ᒐᕙᒪᒃᑯᖏᓐᓂᒃ (ᑖᒃᑯᐊ ᒪᕐᕉᒃ ᐊᕕᒃᑐᖅᓯᒪᔫᒃ ᑕᐃᒪᐃᑦᑑᓂᕋᐅᖅᑕᐅᔫᒃ “ᐃᓕᓴᕆᔭᐅᓯᒪᔫᒃ ᑎᒦᑦ” ᑖᒃᑯᓄᖓ ᔫᕋᐲᔭᓐ ᔫᓂᐊᓐᑯᓐᓄᑦ, ᐱᕕᖃᖅᑎᑦᑎᔪᑦ ᒥᖅᓱᖅᑎᓂᒃ ᐊᑐᕈᓐᓇᕐᓗᑎᒃ ᓇᓗᓇᐃᒃᑯᑕᓕᖕᓂᒃ ᓇᑦᑏᑦ ᕿᓯᖏᓐᓂᒃ ᓇᒃᓯᐅᔾᔨᔪᓐᓇᕐᓂᐊᕐᒪᑕ ᓂᐅᕐᕈᑎᒃᓴᖏᓐᓂᒃ ᔫᕋᐲᔭᓐ ᔫᓂᐊᓐᑯᓐᓄᑦ. ᓄᓇᖃᖅᑳᖅᓯᒪᔪᑦ ᓇᑦᑎᕐᒧᑦ ᑲᑎᒪᔨᕋᓛᑦ ᐃᓚᖃᖅᑐᑦ ᓄᓇᖃᖅᑳᖅᓯᒪᔪᓂᑦ ᑭᒡᒐᖅᑐᐃᔨᓂᑦ ᓇᑦᑎᓕᕆᓂᕐᒧᑦ ᓯᔾᔭᖅᐸᓯᖕᒥᑦ ᓯᔾᔭᖅᐸᓯᖕᒧᑦ ᓯᔾᔭᖅᐸᓯᖕᒧᑦ (ᐃᓚᖃᖅᑐᖅ ᓄᓇᕗᑦ, ᓄᓇᑦᓯᐊᖅ, ᑯᐸᒃ ᑕᕐᕋᖓ, ᓂᐅᕙᓐᓛᓐ ᐊᒻᒪ ᓛᐸᑐᐊ, ᓅᕙ ᔅᑯᓯᐊ ᐊᒻᒪ ᐳᕆᑎᔅ ᑲᓚᒻᐱᔭ).

2. ᑭᓲᒻᒪ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᐊᒻᒪ ᖃᓄᐃᑦᑐᓂᑦ ᐃᓕᓴᖅᓯᕕᑦ ᑕᐃᑲᓂ ᒪᓕᒋᐊᓕᓐᓂᒃ ᓱᓕᓂᕋᐃᓂᕐᒧᑦ ᐱᓪᓚᑦᑖᖑᓂᖏᓐᓄᑦ ᓂᐅᕐᕈᑎᒃᓴᓂᑦ?

ᒫᓐᓇᒫᖑᓚᐅᖅᑐᖅ, ᓇᑦᑎᕐᓄᑦ ᐊᒻᒪᓗ ᓇᑦᑎᓕᕆᓂᕐᒧᑦ ᑲᓱᖃᑎᒌᒃᓯᒪᔪᑦ ᓴᖅᑮᓚᐅᖅᑐᖅ ᑲᓇᑕᒥ ᓇᑦᑎᕋᔭᓐᓄᑦ ᑭᓲᒋᐊᒃᓴᖏᓐᓂᒃ (www.canadiansealproducts.com) ᑖᔅᓱᒥᖓᓗ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ (www.proudlyindigenouscrafts.com) ᑭᓲᒋᐊᒃᓴᖏᓐᓂᒃ. ᑖᓐᓇ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᑐᕌᒐᖃᖅᑐᖅ ᑕᑯᒃᓴᐅᑎᑦᑎᓂᕐᒥᑦ ᐊᔾᔨᐅᙱᓐᓂᕆᔭᖏᓐᓂᒃ ᓄᓇᖃᖅᑳᖅᓯᒪᔪᓂᑦ ᓇᑦᑎᕋᔭᓐᓂᒃ. ᑕᒪᕐᒥᑦᑎᐊᑦ ᓇᑦᑎᐅᑉ ᒥᖅᑯᐊ ᐊᒻᒪ ᕿᓯᐅᔭᐃᑦ ᓂᐅᕕᐊᒃᓴᐅᔪᑦ ᑕᐃᑲᓂ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᖃᕋᓴᐅᔭᑎᒍᑦ ᓂᐅᕕᕐᕕᖓᓂ ᓇᓗᓇᐃᖅᑕᐅᓯᒪᔪᑦ “ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ”. ᑕᒪᓐᓇ ᑐᑭᖃᖅᑐᖅ ᐊᖑᓇᓱᒃᑕᐅᔪᑦ ᓄᓇᖃᖅᑳᖅᓯᒪᔪᓂᑦ ᓄᓇᓕᖕᓂ ᐊᒻᒪ/ᐅᕝᕙᓘᓐᓃᑦ ᓴᓇᔭᐅᓯᒪᔪᑦ ᓄᓇᖃᖅᑳᖅᓯᒪᔪᓄᑦ ᒥᖅᓱᖅᑎᓄᑦ ᐊᒻᒪ ᓴᓇᖃᑦᑕᖅᑐᓄᑦ. ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᓇᑦᑎᕋᔭᐃᑦ ᑎᑭᐅᒪᓂᕐᒥᑦ ᒪᓕᑦᑎᐊᕆᐊᖃᓪᓚᕆᑦᑐᓂᒃ ᓈᒻᒪᒋᔭᐅᔪᓂᑦ ᐊᒻᒪ ᒪᓕᒋᐊᓕᖕᓂᒃ ᖃᐅᔨᒪᑦᑎᐊᕆᐊᕐᓂᕐᒥᑦ ᐊᔾᔨᐅᙱᓐᓂᕆᔭᖏᓐᓂᒃ, ᐊᑐᖅᑕᐅᔭᕆᐊᓕᖕᓂ ᐱᐅᑎᒋᓂᖏᓐᓄᑦ ᐊᒻᒪ ᑐᔾᔭᖅᑕᐅᔪᓐᓇᕐᓂᖓ. ᒥᖅᓱᖅᑎᓕᒫᑦ ᐊᑎᓕᐅᖃᑕᐅᓯᒪᔪᑦ ᑕᐃᑲᓂ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᐃᑭᐊᖅᑭᕕᖓᓂ ᑎᒥᐅᒪᔭᕆᐊᓖᑦ ᓂᐅᕕᐊᒃᓴᖃᕐᕕᐅᔫᑉ ᐱᔪᓐᓇᖅᑎᑕᐅᒐᔭᖅᑐᑦ ᓈᒻᒪᒋᔭᐅᔪᑦ ᐅᕙᓂ ᐊᑐᐃᓐᓇᐅᔪᑦ: https://proudlyindigenouscrafts.com/become-a-vendor/. ᐱᒻᒪᕆᐊᓘᕗᖅ ᓴᖅᑭᒋᐊᕐᓗᑎᒍᑦ ᑖᒃᑯᐊ ᐱᓕᕆᐊᖏᑦ ᐅᐱᒍᓱᓐᓂᒃᑯᑦ ᓄᓇᖃᖅᑳᖅᓯᒪᔪᑦ ᒥᖅᓱᖅᓯᒪᔭᖏᓐᓄᑦ ᐊᒻᒪᓗ ᓴᓇᓯᒪᔭᖏᓐᓄᑦ ᓴᓇᖃᑦᑕᖅᑐᓄᑦ ᐊᒻᒪ ᒥᖅᓱᖃᑦᑕᖅᑐᓄᑦ ᑕᑯᒃᓴᐅᓂᖅᓴᐅᓗᑎᒃ ᑐᓂᔭᐅᑦᑎᐊᖃᑦᑕᕐᓗᑎᓗ ᑮᓇᐅᔾᔭᕈᑕᐅᔪᓂᒃ.

ᐱᕚᓪᓕᕈᑎᖏᑦ
1. ᑭᓲᖕᒪᑕ ᐱᕚᓪᓕᕈᑎᒃᓴᑦ ᓇᑦᑎᐅᑉ ᒥᖅᑯᐊᓄᑦ ᐊᒻᒪ ᐊᒥᓕᐊᖓᓄᑦ?

ᓇᑦᑎᐅᑉ ᕿᓯᐊᓂ, ᒥᖅᑰᓪᓗᓂ ᐊᒻᒪ ᐊᒥᓕᐊᖑᓯᒪᓪᓗᓂ, ᐊᑐᖅᑕᐅᓯᒪᔪᖅ ᑕᐅᓴᓐᑎᓄᑦ ᐊᕐᒎᒍᓄᑦ ᓴᐳᔾᔨᓂᕐᒥᑦ ᑲᓇᑕᐅᑉ ᐅᐊᖕᓇᖓᓂᕐᒥᐅᑕᐅᓂᖅᐹᓂᒃ ᓂᒡᓚᓱᒃᑐᒻᒪᕆᐅᑎᓪᓗᒍ ᐅᑭᐅᒃᑯᑦ. ᓇᑦᑎᐅᑉ ᒥᖅᑯᐊ ᐃᔅᓴᔭᙱᑦᑐᖅ, ᓱᕕᖏᑦᑐᖅ, ᐊᓕᒃᓴᕋᐃᙱᑦᑐᖅ ᐊᒻᒪ ᐅᖅᑰᓪᓗᓂ ᐱᐅᔪᒻᒪᕆᐅᓪᓗᓂ ᐊᓐᓄᕌᓄᑦ, ᑲᒦᓐᓄᑦ, ᐊᒻᒪ ᑐᐱᕐᓄᑦ. ᓇᑦᑎᐅᑉ ᒥᖅᑯᐊ ᐊᒻᒪ ᓇᑦᑎᐅ ᐊᒥᓕᐊᖓ ᓱᓇᒃᑯᑖᑦ ᐊᑯᓂᐊᓗᒃ ᐊᑐᕈᓐᓇᖅᑐᑦ (ᐊᕐᕌᒍᒐᓴᖕᓄᑦ) ᓱᓇᒃᑯᑖᕐᓗ ᐊᑐᕋᒃᓴᐅᔪᓐᓃᖅᐸᑦ ᐊᕙᑎᒥᒃ ᓱᕈᐃᙱᑦᑐᖅ.

2.ᓇᑦᑎᐅᑉ ᒥᖅᑯᐊ ᐅᖅᑰᕙ?

ᐄ. ᐃᓄᐃᑦ ᐊᒻᒪ ᐊᓯᖏᑦ ᓄᓇᖃᖅᑳᖅᓯᒪᔪᑦ ᐊᑐᖅᓯᒪᔪᑦ ᓇᑦᑎᐅᑉ ᒥᖅᑯᐊᓂ ᐊᓐᓄᕌᓄᑦ, ᑲᒦᓐᓄᑦ, ᐊᒻᒪ ᑐᐱᕐᓄᑦ ᑕᐅᓴᓐᑎᓄᑦ ᐊᕐᕌᒍᓂᑦ. ᓇᑦᑎᐅᑉ ᒥᖅᑯᐊ ᓴᐳᔾᔨᓲᖑᒻᒪᑦ ᐊᓄᕆᒥᑦ, ᓂᒡᓚᓱᒥᑦ, ᓂᓚᖕᒥᑦ, ᐊᒻᒪ ᒪᖁᕐᒥᑦ ᓂᒡᓚᓱᒃᑐᒥᑦ ᐅᐊᖕᓇᖓᓂ ᓯᓚᖓᓂ.

3. ᑭᓱ ᐊᔾᔨᒌᙱᓐᓂᐅᖕᒪᑕ ᕿᑐᒻᒪᒃᓴᖅᓯᒪᔪᒥᑦ ᐊᒻᒪ ᕿᑐᒻᒪᒃᓴᖅᓯᒪᙱᑦᑐᒥᑦ ᕿᓯᕐᒥᑦ?

ᓄᓇᕗᒻᒥᑦ ᐃᓐᓂᖅᓯᒪᔪᑦ ᐊᒻᒪ ᑐᑭᖅᓯᒪᔪᑦ ᕿᓰᑦ ᐃᓚᐅᕈᑎᒃᓴᓄᑦ ᕿᑐᒻᒪᒃᓴᖃᑦᑕᖏᑦᑕᕗᑦ ᑭᓯᐊᓂ ᓇᑦᑎᕐᒦᙶᑦᑕᐅᑎᒋᙱᑦᑐᑦ. ᐅᓪᓗᒥ, “ᕿᑐᒻᒪᒃᓴᖅᓯᒪᙱᑦᑐᖅ” ᕿᓯᕋᔭᖅ ᑲᒪᒋᔭᐅᓯᒪᙱᑦᑐᖅ ᕿᓯᖅ, ᐃᓚᓯᒪᙱᑦᑐᖅ. ᕿᑐᒻᒪᒃᓴᖅᓯᒪᔪᖅ ᕿᓯᖅ ᐃᓚᐅᕈᑎᒃᓴᓕᒃ (ᕿᑐᒪᔪᖅ) ᓴᐳᔾᔭᐅᓂᐊᕐᒪᑦ ᐱᐅᔪᓐᓃᓂᕐᒧᑦ, ᓴᙱᓂᖅᓴᐅᓗᓂ, ᐊᒻᒪ ᐃᓛᓐᓂᒃᑯᑦ ᐃᑦᑕᑎᖅᑕᐅᓲᑦ. ᖃᐅᓯᓕᕋᔭᙱᑦᑐᖅ ᑭᓯᐊᓂ ᐃᔅᓴᔭᙱᑦᑐᖅ ᕿᑐᒻᒪᒃᓴᖅᑕᐅᓯᒪᙱᑦᑐᑎᑐᑦ. ᕿᓰᑦ ᕿᑐᒻᒪᒃᓴᖅᑕᐅᒍᓐᓇᖅᑐᑦ ᐊᔾᔨᒌᙱᑦᑐᒃᑯᑦ ᐱᓕᕆᔾᔪᓯᕐᓄᑦ, ᐃᓚᐅᕈᑎᒃᓴᓄᑦ ᐅᕝᕙᓘᓐᓃᑦ ᑕᐃᒫᑐᐃᓐᓇᖅ.

4. ᑭᓲᖕᒪᑕ ᓇᓗᓇᐃᒃᑯᑕᖏᑦ ᐃᓐᓇᕐᒧᑦ ᓇᑦᑎᐅᑉ ᒥᖅᑯᐊᓄᑦ?

ᐃᓐᓇᕐᒧᑦ ᓇᑦᑎᐅᑉ ᒥᖅᑯᐊ ᐃᔅᓴᔭᙱᑦᑐᖅ, ᐅᖅᑰᔪᖅ, ᓂᕈᒥᑦᑐᖅ, ᐱᐊᑦᑐᖅ, ᐊᒻᒪ ᐊᓕᓴᕋᐃᙱᑦᑐᖅ – ᑕᐃᒪᐃᒋᐊᓕᒃ, ᓇᑦᑎᐅᑉ ᐃᓂᒋᕙᒃᑕᖓᓄᑦ. ᐃᓐᓇᕐᒧᑦ ᓇᑦᑎᐅᑉ ᒥᖅᑯᐊ ᑕᑯᒥᓇᑦᑎᐊᕐᒥᔪᖅ, ᐊᔾᔨᒌᙱᑦᑐᓂᑦ ᑕᖅᓴᓕᒃ ᖃᐅᓪᓗᖅᑕᓂᒃ ᐊᒻᒪ ᓯᐊᕐᓇᐅᔪᒥᒃ.

5. ᓇᑦᑎᐅᑉ ᒥᖅᑯᐊ ᐊᓕᓴᕋᐃᙱᓛ?

ᓇᑦᑎᐅᑉ ᒥᖅᑯᐊ, ᑲᒪᒋᔭᐅᑦᑎᐊᕈᓂ, ᐊᓕᓴᕋᐃᙱᓐᓂᖅᐹᖑᔪᖅ ᐅᓪᓗᒥ ᐊᑐᐃᓐᓇᐅᔪᓂᒃ.

6. ᓇᑦᑎᐅᑉ ᒥᖅᑯᐊ ᐊᕙᑎᒥᒃ ᓱᕈᐃᙱᑦᑐᖅ?

ᓇᑦᑎᐅᑉ ᒥᖅᑯᐊ ᐃᓚᖃᙱᑦᑐᖅ ᓱᓇᒃᑯᑖᖅ ᑕᐃᒪᐃᒻᒪᓪᓗ, ᐊᕙᑎᒥᒃ ᓱᕈᐃᙱᑦᑐᖅ.

ᓂᐅᕐᕈᑎᒃᓴᐃᑦ
1. ᓇᑦᑏᑦ ᒥᖅᑯᖃᖅᐹ?

ᐄ, ᓇᑦᑏᑦ ᒥᖅᑯᖃᖅᑐᑦ, ᐊᒥᓱᑦ ᐆᒪᔪᐃᑦ ᑕᐃᒪᐃᖕᒪᑕ.

2. ᓇᑦᑎᐅᑉ ᒥᖅᑯᐊ ᖃᓄᐃᑦᑑᔮᕐᖓ?

ᓇᑦᑎᐅᑉ ᒥᖅᑯᐊ ᓂᕈᒥᑦᑐᖅ, ᖃᐅᒪᔪᖅ, ᐱᐊᑦᑐᖅ, ᐊᒻᒪ ᐃᑦᑕᑎᖅᓯᒪᙱᑎᓪᓗᓂ, ᐊᔾᔨᒌᙱᑦᑐᓂᑦ ᑕᖅᓴᖃᕈᓐᓇᖅᑐᖅ ᖃᐅᓪᓗᖅᑕᒥᑦ ᑲᔪᕐᒧᑦ ᓯᐊᕐᓇᒧᑦ ᕿᕐᓈᖓᕈᔪᒃᖢᑎᒃ. ᐊᒥᓱᑦ ᕿᓰᑦ ᑕᑯᒥᓇᖅᑐᓂᒃ ᑕᖅᓴᓖᑦ ᐊᒻᒪ ᐊᒥᐊᓖᑦ.

3. ᖃᓄᐃᑦᑐᓂᑦ ᓇᑦᑎᐅᑉ ᒥᖅᑯᐊᓂ ᐊᒥᐊᕐᓂᑦ ᐊᑐᐃᓐᓇᖅᑕᖃᕐᒪ?

ᕿᑐᒻᒪᒃᓴᖅᓯᒪᙱᑎᓪᓗᒋᑦ, ᓇᑦᑎᐅᑉ ᒥᖅᑯᐊ ᓯᐊᕐᓇᐅᒐᔪᓲᑦ, ᐊᒻᒪ ᕿᕐᓂᖅᑕᑦ. ᐅᓪᓗᒥᐅᔪᖅ ᓴᓇᔩᑦ, ᑕᐃᒪᐃᓲᑦ, ᐃᑦᑕᑎᓲᑦ ᓇᑦᑎᐅᑉ ᒥᖅᑯᐊᓂ ᖃᓄᐃᑦᑐᑐᐃᓐᓇᕐᓄᑦ ᐊᒥᐊᕐᓄᑦ, ᐊᐅᐸᖅᑐᒥᑦ ᑐᖑᔪᖅᑕᕐᒧᑦ ᐃᑦᑎᙳᐊᕐᒧᑦ.

4. ᓱᒻᒪᑦ ᓇᑦᑎᐅᑉ ᒥᖅᑯᐊ ᕿᑐᒻᒪᒃᓴᖅᑕᐅᓲᖑᕙ?

ᓇᑦᑎᐅᑉ ᒥᖅᑯᐊ ᕿᑐᒻᒪᒃᓴᖅᑕᐅᓲᖅ ᐊᑐᑯᑖᕈᓐᓇᕐᓂᐊᕐᒪᑦ. ᕿᑐᒻᒪᒃᓴᖅᑕᐅᓯᒪᓕᖅᑎᓪᓗᒍ, ᓇᑦᑎᐅᑉ ᒥᖅᑯᐊ ᐊᓕᓴᕋᐃᖏᓪᓗᓂ, ᕿᑐᒪᓗᓂ ᐊᒻᒪ ᐱᐅᔪᓐᓃᓂᐊᖏᒻᒪᑦ. ᐱᓕᕆᐊᖑᑦᑎᐊᕈᓂ, ᕿᑐᒻᒪᒃᓴᐃᓂᖅ ᐊᓯᔾᔩᓂᐊᖅᑐᖅ ᕿᓯᕐᒥᑦ ᓂᕈᒥᑦᑐᒧᑦ ᐊᒥᓕᐊᒧᑦ, ᒥᖅᑯᖓ ᐊᑕᑦᑎᐊᕐᓗᓂ.

5. ᖃᓄᖅ ᐊᑭᑖᖅᑎᑦᑎᓲᖑᒐᑦᑕ ᓇᑦᑎᐅᑉ ᒥᖅᑯᐊᓂ?

ᕿᓯᕋᔭᐃᑦ ᐊᑭᑐᓂᖏᑦ ᖃᐅᔨᓴᖅᑕᐅᓲᑦ ᕿᓯᐅᑉ ᐊᖏᓂᖓᓄᑦ, ᒥᖅᑯᐊ ᐱᐅᑎᒋᓂᖓᓄᑦ ᐊᒻᒪ ᐊᒥᐊᖓᓄᑦ. ᕿᓯᖅ ᓱᕋᒃᓯᒪᒃᐸᑦ ᐱᓗᐊᙳᐊᖅᑐᒥᑦ ᑭᓪᓚᖃᖅᐸᑦ, ᒥᖅᑯᐃᖅᓯᒪᒐᓛᒃᐸᑦ (ᒥᖅᑯᐃᓃᑦ), ᐊᒻᒪ/ᐅᕝᕙᓘᓐᓃᑦ ᐊᒥᐊᕐᓗᒃᑯᓂ (ᖁᖅᓱᖅᑎᖅᓯᒪᔪᖅ) ᐊᑭᑭᓪᓕᒋᐊᖅᑎᑦᑎᓲᖅ ᕿᓯᕐᒥᑦ. ᕿᓰᑦ ᐊᖏᓂᖅᓴᖅ ᐊᑭᑐᓂᖅᓴᐅᓲᑦ.

6. ᓇᑦᑎᐅᑉ ᒥᖅᑯᐊᓄᑦ ᑭᓱᓕᐅᕈᓐᓇᕐᒪᑕ?

ᓇᑦᑎᐅᑉ ᒥᖅᑯᐊ ᐊᑐᖅᑕᐅᔪᓐᓇᖅᑐᑦ ᓴᓇᓂᕐᒥᑦ ᐊᔾᔨᒌᙱᑦᑐᓂᑦ ᓱᓇᒃᑯᑖᓂᑦ, ᐃᓚᒋᔭᐅᓪᓗᑎ ᓯᓚᒥᓯᐅᑏᑦ ᐊᓐᓄᕌᑦ, ᑲᒫᓗᒃ, ᐱᖁᑎᒐᓚᐃᑦ, ᐃᓪᓗᒥᓯᐅᑏᑦ, ᐊᓯᒃᑲᓐᓂᐊᓗᖏᓪᓗ. ᐊᑐᖅᑕᐅᔪᓐᓇᖅᑐᑦ ᐊᓐᓄᕌᓄᑦ, ᓴᓇᓂᕐᒧᑦ, ᐊᒻᒪ ᒥᖅᓱᒐᕐᓄᑦ. ᓇᑦᑎᐅᑉ ᒥᖅᑯᐊ ᐊᑐᖅᑕᐅᓂᖅᓴᐅᓕᖅᑐᖅ ᓴᓇᓂᕐᒧᑦ ᐊᓕᓴᕋᐃᙱᒻᒪᑦ ᐊᒻᒪ ᑕᑯᔪᒥᓇᖅᑐᓄᑦ ᐊᓐᓄᕌᓄᑦ ᐊᒻᒪ ᐃᓯᒐᐅᔭᖕᓄᑦ, ᐊᒻᒪ ᐱᖁᑎᒐᓚᖕᓄᑦ ᓲᕐᓗ ᓯᐅᒻᒥᐅᑏᑦ, ᐊᒡᒐᒻᒥᐅᑏᑦ, ᓂᕈᒥᐊᒐᑦ ᐊᒻᒪ ᐴᑦ. ᓴᓇᔩᑦ ᐊᑐᖃᑦᑕᖅᑐᑦ ᓯᓂᒃᓴᕆᔭᐅᓪᓗᑎᒃ ᐊᒻᒪ ᐃᓚᒋᔭᐅᓪᓗᑎᒃ ᑕᑯᒥᓇᑦᑎᐊᖅᑐᓂᒃ ᐊᓐᓄᕌᖕᓄᑦ. ᓇᑦᑎᐅᑉ ᒥᖅᑯᐊ ᐱᐅᑦᑎᐊᕐᒥᔪᑦ ᐊᖏᕐᕋᕐᒥᑦ, ᓇᑎᕋᐅᓗᓂ ᐅᕝᕙᓘᓐᓃᑦ ᕿᐱᐅᓗᓂ. ᐊᑐᕈᓐᓇᕐᓂᖓ ᐃᓱᖃᙱᑦᑐᖅ.

7. ᑭᓱᓂᑦ ᓱᓇᒃᑯᑖᓂᑦ ᓴᓇᒍᓐᓇᕐᒪᑕ ᓇᑦᑎᐅᑉ ᒥᖅᑯᐊᓄᑦ?

ᓇᑦᑎᐅᑉ ᒥᖅᑯᐊ ᐊᑐᓲᖅ ᓇᑦᑎᐅᑉ ᒥᖅᑯᐊᓂ, ᐊᑕᖃᓯᐅᑎᔪᖅ ᐊᒥᖓᓄᑦ (ᐊᒥᓕᐊᖅ). ᓇᑦᑎᐅᑉ ᐊᒥᓕᐊᖓ ᑐᕌᖓᒐᔪᓲᖅ ᕿᑐᒻᒪᒃᓴᖅᓯᒪᔪᒧᑦ ᕿᓯᕐᒧᑦ, ᒥᖅᑯᐃᖅᓯᒪᓪᓗᓂ.

8. ᕿᓯᕋᔭᖅ ᖃᑦᑎᕌᓲᖑᒻᒪᑦ?

ᐊᑭᖓ ᐊᔾᔨᒌᙱᑦᑐᖅ ᑐᙵᕕᓕᒃ ᐊᖏᓂᕆᔭᖓᓂ ᕿᓯᐅᑉ, ᐱᐅᓂᖓ, ᐊᒥᐊᖓ ᐊᒻᒪ ᖃᓄᖅ ᑲᒪᒋᔭᐅᓐᓂᕐᒪᖔᖅ (ᓲᕐᓗ ᐱᖅᑯᓯᒃᑯᑦ ᐸᓂᖅᑎᓯᒪᔪᖅ ᐅᕝᕙᓘᓐᓃᑦ ᐅᓪᓗᒥᓯᐅᑎᑎᒍᑦ ᓴᓇᕕᖕᒥ ᕿᑐᒻᒪᒃᓴᖅᓯᒪᔪᖅ). ᑕᐃᒪᐃᑉᐳᖅ ᐊᑭᖓ ᓂᐅᕕᖅᑎᓄᑦ ᑕᕝᕙᓃᒃᑲᔭᖅᑐᑦ $100 ᕿᓯᕋᓛᕐᒧᑦ, ᑕᐃᑯᖓᖃᐃ $500 ᐅᖓᑖᓄᑦ ᐊᒃᑐᐊᓗᖕᒧᑦ, ᐱᐅᑦᑎᐊᖅᑐᒧᑦ ᕿᓯᕐᒧᑦ ᕿᑐᒻᒪᒃᓴᖅᓯᒪᑦᑎᐊᖅᑐᒧᑦ.

9. ᓇᑦᑎᐅᑉ ᒥᖅᑯᐊ ᐃᓯᕈᓇᖅᐹ ᐊᒥᐊᓕᒐᓄᑦ?

1972-ᒥᑦ, ᐊᒥᐊᓕᒐᒃᑯᑦ ᐊᖏᓚᐅᑐᑦ ᐳᐃᔨᓂᒃ ᓴᐳᔾᔨᓯᒪᓂᕐᒧᑦ ᐱᖁᔭᕐᒧᑦ; ᑕᐃᒪᐃᙵᓂ ᐊᒥᐊᓕᒐᓂᑦ ᓂᐅᕐᕈᑎᒃᓴᐃᑦ ᒪᑐᔭᐅᓯᒪᔪᑦ ᓇᑦᑎᕋᔭᖕᓄᑦ.

10. ᓇᑭᑦ ᓇᓂᓯᒍᓇᕋᒪ ᓇᑦᑎᐅᑉ ᒥᖅᑯᐊᓂ?

ᓇᑦᑎᐅᑉ ᒥᖅᑯᐊ ᐊᒻᒪ ᓇᑦᑎᐅᑉ ᒥᖅᑯᐊᓄᑦ ᓱᓇᒃᑯᑖᑦ ᐊᑐᐃᓐᓇᐅᔪᑦ ᐊᔾᔨᒌᙱᑦᑐᓂᑦ ᒥᖅᑯᑖᕐᕕᖕᓂᒃ, ᓴᓇᐅᒐᖕᓂᒃ ᓂᐅᕕᕐᕕᖕᓂᑦ ᐊᒻᒪ ᓴᓇᔨᓂᑦ.

ᒪᑭᒪᑎᑕᐅᑦᑎᐊᕐᓂᖅ
1. ᑭᓱ ᐊᔾᔨᒌᙱᓐᓂᐅᖕᒪᑕ ᒥᖅᑯᙳᐊᕐᒧᑦ ᐊᒻᒪ ᐊᖑᓇᒃᑕᐅᓂᑰᔪᒥᑦ ᒥᖅᑯᕐᒧᑦ?

ᒥᖅᑯᙳᐊᖅ ᑕᐃᒪᐃᑦᑐᑐᐃᓐᓇᐅᖕᒪᑦ – ᐱᙳᐊᖅ. ᒥᖅᑰᔮᖅᑐᖅ ᑭᓯᐊᓂ ᓴᓇᓯᒪᔪᖅ ᐊᐅᒃᑕᔫᒧᑦ ᐅᕝᕙᓘᓐᓃᑦ ᐊᓯᖓᓄᑦ ᐃᓄᖕᒧᑦ ᓴᓇᔭᐅᓯᒪᔪᒧᑦ ᓱᓇᒃᑯᑖᒧᑦ, ᐃᓚᐅᕈᑎᒃᓴᓂᒃ ᓴᓇᕕᐊᓗᖕᒥᑦ ᐱᓕᕆᐊᕆᔭᐅᓪᓗᓂ ᐊᒻᒪ ᐅᖅᓱᐊᓗᖕᓄᑦ ᓱᓇᒃᑯᑖᓄᑦ. ᒥᖅᑯᙳᐊᖅ ᑕᐃᒫᔅᓴᐃᓐᓇᐅᖏᒻᒥᔪᖅ ᐊᓕᓴᕋᐃᙱᑦᑐᖅ, ᐅᖅᑰᖏᑦᑐᖅ, ᐊᒻᒪ ᐊᓄᕆᒧᑦ ᐃᒥᕐᒧᓪᓗ ᓴᐳᔾᔨᒍᓇᙱᑦᑐᖅ ᐊᖑᓇᒃᑕᐅᓂᑰᔪᑦ ᒥᖅᑯᑎᑐᑦ.

ᐊᖑᓇᒃᑕᐅᓂᑰᔪᑦ ᒥᖅᑯᐃᑦ ᒥᖅᑯᑐᐃᓐᓇᐅᕗᑦ. ᑲᒪᒋᔭᐅᑐᐃᓐᓇᕆᐊᓕᒃ ᐊᑐᑯᑖᕈᓐᓇᕐᓂᐊᕐᒪᑦ, ᐊᖑᓇᒃᑕᐅᓂᑰᔪᑦ ᒥᖅᑯᐃᑦ ᑕᐃᒪᐃᑦᑐᑐᐃᓐᓇᐅᒐᔪᓲᑦ, ᐊᑐᖅᑐᖅ ᐅᖅᑰᓂᖅᓴᐅᓲᖅ ᐊᒻᒪ ᓴᐳᔾᔭᐅᓯᒪᑦᑎᐊᓲᖅ.

2. ᓇᑦᑎᐅᑉ ᒥᖅᑯᐊ ᐊᕙᑎᒧᑦ ᐱᐅᕚ?

ᓈᒻᒪᒋᔭᐅᖏᓐᓇᓲᖅ, ᐊᕙᑎᒧᑦ ᐊᒻᒪ ᐃᓅᓯᕐᒧᑦ, ᓇᑦᑎᐅᑉ ᑭᓱᑯᑦᑎᓕᒫᖏᑦ ᐊᑐᖅᑕᐅᑦᓯᐊᖃᑦᑕᕐᓗᑎᒃ. ᐅᓪᓗᒥᐅᔪᖅ ᓇᑦᑎᕋᓱᖃᑦᑕᖅᑐᑦ ᓇᑦᑎᓕᒫᑦᑎᐊᖅ ᐊᑐᖅᑕᐅᕙᒃᖢᓂ ᓂᕿᖓ, ᐅᖅᓱᖓ, ᐊᒻᒪ ᕿᓯᖓ.

ᓇᑦᑎᐅᑉ ᒥᖅᑯᐊ ᑕᐃᒪᐃᑦᑐᑐᐃᓐᓇᐅᕗᖅ ᑕᐃᑲᙶᖅᖢᓂᓗ ᐊᖑᓇᓱᒃᑕᐅᑦᑎᐊᕐᓂᑰᔪᒥᒃ. ᐱᓕᕆᐊᙳᑦᑎᐊᖅᐸᑦ, ᓇᑦᑎᐅᑉ ᒥᖅᑯᐊ ᐊᕐᕌᒍᒐᓴᖕᓄᑦ ᐊᑐᕈᓐᓇᖅᑐᖅ; ᐊᓕᓴᕋᐃᙱᑦᑐᖅ ᓂᐅᕕᐊᒃᓴᐃᑦ ᐊᑯᓂ ᐱᒋᔭᐅᒍᓐᓇᖅᑐᑦ, ᐊᓱᐃᓛᒃ ᐊᕙᑎᒥᒃ ᓱᕈᐃᙱᓪᓗᓂ. ᑕᐃᒫᔅᓴᐃᓐᓇᖅ ᐅᖃᕈᓐᓇᙱᓚᖅ ᒥᖅᑯᙳᐊᓄᑦ ᓴᓇᓯᒪᔪᓄᑦ.

3. ᓇᑦᑎᐅᑉ ᒥᖅᑯᐊ ᐊᑐᓕᖅᑭᕈᓐᓇᖅᐹ?

ᐄ. ᑲᓇᑕᒥ ᓇᑦᑎᕋᓱᖕᓂᐅᔪᖅ ᑲᒪᒋᔭᐅᑦᑎᐊᖅᑐᖅ ᐊᒻᒪ ᑲᔪᓯᑎᑕᐅᓲᖅ ᒪᓕᑦᑎᐊᕆᐊᖃᖅᖢᑎᒃ ᒐᕙᒪᒃᑯᑦ ᒪᓕᒐᖏᓐᓂᒃ. ᓇᑦᑏᑦ ᐅᓄᕐᓂᖏᑦ ᐊᖑᓂᒃᑕᐅᔪᑦ ᓂᕿᒃᓴᒧᑦ ᐊᒻᒪ ᕿᓯᕐᓄᑦ ᐆᒪᑦᑎᐊᕆᒃᑐᑦ ᐊᒻᒪ ᐅᓄᖅᓯᕙᓪᓕᐊᑐᐃᓐᓇᖅᑐᑦ.

4. ᒥᖅᑯᖅ ᐱᐅᙱᓛ?

ᑭᓇᑐᐃᓐᓇᖅ ᐃᓄᑦᑎᐊᕙᐅᔪᖅ ᐊᑐᓂᕐᓗᒍᒪᙱᑦᑐᖅ ᓱᓇᒃᑯᑖᓂᒃ ᐱᐅᙱᑦᑐᒃᑰᕈᑕᐅᓯᒪᔪᓂᒃ. ᑭᓯᐊᓂ, ᐃᓱᒪᓇᖅᑐᑦ ᐱᐅᙱᑦᑐᒃᑰᖅᑎᑦᑎᓂᖅ ᐊᔾᔨᒌᙱᓐᓂᖃᕈᓐᓇᖅᑐᖅ ᐃᓄᖕᓄᑦ ᑐᙵᕕᖃᕐᓗᑎᒃ ᑭᓱᑕᐃᓐᓇᕐᓂᒃ, ᐃᒻᒥᒃᑰᖓᒐᔪᓲᖑᓪᓗᑎᒃ. ᐱᒻᒪᕆᐅᓂᖅᐹᖑᔪᑦ ᐃᓅᑉ ᐃᓱᒪᓕᐅᕈᑎᖓᓄᑦ ᖃᓄᐃᓕᐅᕐᓂᐅᔪᖅ ᐱᐅᙱᑦᑐᒃᑰᕈᑕᐅᖕᒪᖔᖅ ᐅᕝᕙᓘᓐᓃᑦ ᐋᒃᑲ ᖃᐅᔨᓇᓱᓪᓗᑎ ᓱᓕᔪᓂᑦ, ᐅᑉᐱᓇᖅᑐᓂᒃ ᑐᓴᐅᒪᔪᑎᒃᓴᓂᑦ ᑕᐃᒪᐃᓕᐅᕈᑕᐅᔪᒧᑦ. ᖃᓄᑐᐃᓐᓇᖅ ᖃᐅᔨᓴᕐᓂᖃᕐᓗᓂ, ᐱᒻᒪᕆᐅᕗᖅ ᐃᑉᐱᒍᓱᑦᑎᐊᕐᓂᕐᒥᑦ ᑭᓱᓕᒫᖏᓐᓄᑦ ᖃᓄᐃᓕᐅᕈᑎᐅᑉ, ᑕᐃᒪᓐᓇᐅᕗᖅ ᐊᖑᓇᓱᓐᓂᕐᒧᑦ ᐅᕝᕙᓘᓐᓃᑦ ᒥᑭᒋᐊᕐᓂᕐᒧᑦ ᐃᓚᖃᕐᓗᓂ ᐆᒪᔪᒥᑦ, ᐊᕙᑎᒥᑦ ᐆᒪᕝᕕᒋᔭᖓᓂ, ᐊᒻᒪ ᐃᓄᐃᑦ ᐊᒻᒪ ᓄᓇᓖᑦ ᐱᕚᓪᓕᕈᑎᖃᖅᑐᓂᒃ ᖃᓄᐃᓕᐅᕐᓂᐅᔪᒥᑦ, ᐊᑐᓂ ᑖᒃᑯᐊ ᐃᓗᓕᖏᑦ ᐃᓱᒪᒃᓴᖅᓯᐅᕈᑎᖃᕐᒪᑕ.

5. ᖃᓄᖅ ᐱᐅᑎᒋᕙ ᓇᑦᑎᐅᑉ ᒥᖅᑯᐊ?

ᑭᐅᔾᔪᑎᖓ ᑖᔅᓱᒧᖓ ᐊᐱᖅᑯᑎᒧᑦ ᐊᔾᔨᒋᐸᓗᒃᑲᔭᖅᑕᖓ ᓯᕗᓂᐊᒍᑦ ᐊᐱᖅᑯᑕᐅᔪᒥᑦ. ᓇᑦᑎᕋᓱᖕᓂᖅ ᐃᓱᒪᒋᓗᒍ, ᖃᐅᔨᓴᕐᓂᕐᔪᐊᑦ ᑖᒃᑯᓄᖓ ᐊᑐᓕᖁᔭᐅᔪᓄᑦ ᓴᖅᑭᑕᐅᓯᒪᔪᑦ ᖃᐅᔨᒪᑦᑎᐊᕆᐊᕐᓂᕐᒥᑦ, ᐆᒪᔫᑉ ᖃᓄᐃᙱᑦᑎᐊᕆᐊᖃᕐᓂᐊᓄᑦ, ᐱᐅᓛᒃᑯᑦ ᑐᖁᑕᐅᕙᒡᓗᑎᑦ. ᑖᒃᑯᐊ ᖃᐅᔨᓴᕐᓂᐅᔪᑦ ᑲᔪᓰᓐᓇᖅᑐᑦ, ᓄᑖᓂᒃ ᐱᕕᒃᓴᐅᔪᓂᒃ ᓇᑦᑎᓕᕆᓂᕐᒧᑦ ᒪᑐᐃᖅᐸᓪᓕᐊᑎᓪᓗᒋᑦ.

6. ᓇᑦᑎᐅᑉ ᒥᖅᑯᐊᓄᑦ ᑕᐅᖅᓰᖃᑎᖃᕐᓂᖅ ᑕᐃᒪᐃᒍᓐᓇᖅᐸ?

ᑲᓇᑕᓕᒫᒥᑦ, ᓇᑦᑎᐅᑉ ᒥᖅᑯᐊᓄᑦ ᑕᐅᖅᓰᖃᑎᖃᕈᓐᓇᖅᑐᑦ. ᐊᒥᐊᓕᒐᐃᑦ ᐊᒻᒪ ᔫᕋᐲᔭᓐ ᔫᓂᐊᓐᑯᓐᓄᑦ ᑭᒡᓕᒋᔭᐅᔪᓂᒃ ᐋᖅᑭᒃᓯᓯᒪᔪᑦ; ᑕᒫᓂᕐᒥᐅᑕᐅᒍᕕᑦ, ᖃᐅᔨᒋᐊᖅᑳᕐᓗᑎᑦ ᐃᓯᖅᑎᑦᑎᓚᐅᙱᓂᕐᓂ ᓇᑦᑎᕋᔭᓐᓂᒃ.

7. ᓇᑦᑎᕐᕕᒋᔭᐃᑦ ᒪᑭᒪᒍᑕᐅᑦᑎᐊᕈᓐᓇᖅᐸ?

ᐄ. ᓇᑦᑏᑦ ᐅᓄᕐᓂᖏᑦ ᓱᕐᕋᒪᐃᑦᑐᑦ ᐊᒻᒪ ᐅᓄᖅᓯᕙᓪᓕᐊᔪᑦ. ᐊᖑᓇᓱᖕᓂᐅᔪᖅ ᒪᓕᑦᑎᐊᓲᑦ ᐊᐅᓚᑦᑎᓂᐅᔪᒥᑦ ᒪᓕᒐᕐᓄᑦ ᐊᒻᒪ ᑭᒡᓕᐅᔪᓄᑦ ᓇᓗᓇᐃᖅᑕᐅᔪᓂᒃ ᑲᓇᑕᐅᑉ ᒐᕙᒪᖓᓄᑦ.

8. ᓇᑦᑏᑦ ᑭᓱᒧᑦ ᐊᑐᖅᑕᐅᓲᖑᒻᒪᑕ?

ᐅᓪᓗᒥ, ᓇᑦᑎᓕᒫᐸᓗᒃ ᐊᑐᖅᑕᐅᓲᖅ, ᓂᕿᖓᓗ, ᐅᖅᓱᖓᓗ ᐊᒻᒪ ᕿᓯᖓᓗ. ᐊᑕᖏᕐᓗᒍ ᐊᑐᖅᑕᐅᓂᖓ ᑐᕌᒐᕆᔭᐅᔪᖅ ᓇᑦᑎᕋᓱᒃᑎᓄᑦ, ᐱᓕᕆᐊᖃᓲᓄᑦ, ᐊᒻᒪᓗ ᓂᐅᕕᐊᒃᓴᖃᓲᓄᑦ.

9. ᓇᑦᑎᐊᕕᓃᑦ ᑐᖁᑕᐅᓲᖑᕙᑦ?

ᑖᓐᓇ ᑐᑭᖓ ᐊᑐᖅᑕᐅᒍᓂ “ᓇᑦᑎᐊᕕᓂᖅ” ᐆᒪᔪᖅ ᐊᒫᒪᒃᑐᖅ ᓱᓕ, ᐊᖑᓇᓱᖕᓂᐅᔪᖅ ᓇᑦᑎᐊᕕᓂᕐᓄᑦ ᐊᔪᖅᑎᑕᐅᔪᖅ ᑲᓇᑕᒥ ᑕᐃᒪᙵᓂ 1986-ᒥᑦ. ᓇᑦᑎᖅᑕᐅᖃᑦᑕᖅᑐᑦ ᐃᓐᓇᐅᓗᐊᙱᑦᑐᑦ ᐊᒫᒪᒍᓐᓃᖅᖢᑎᒡᓗ ᐊᓈᓇᒥᓂ ᐱᓇᓱᐊᕈᓯᒐᓚᖕᓄᑦ ᐊᓈᓇᖓᓃᒍᓐᓃᖅᖢᑎᒡᓗ. ᐊᒫᒪᖃᑦᑕᕐᓂᖏᑦ ᐊᑯᓂᐅᓂᖓ ᐆᒪᔪᖅᑕᐅᔪᓂᒃ ᒫᓐᓇᐅᔪᖅ ᓂᐅᕕᐊᒃᓴᖃᕐᓂᕐᒧᑦ (ᓯᐊᕐᓇᐃᑦ ᓇᑦᑏᑦ ᐊᒻᒪ ᖃᐃᕈᓖᑦ) ᕿᓚᒻᒥᐅᓲᖅ ᐅᑭᐅᒃᑯᑦ ᐅᕝᕙᓘᓐᓃᑦ ᐅᐱᕐᖔᓕᕋᑖᖅᑎᓪᓗᒍ ᖃᓄᐃᓕᖓᓂᐅᔪᓂᒃ, ᐊᓈᓇᒋᔭᐅᔪᑦ ᐃᕐᓂᑎᓪᓗᒋᑦ, ᓂᕆᐅᓇᙱᑦᑐᖅ, ᓇᑦᑎᐊᕕᓂᐅᔪᓐᓃᖅᑐᐃᓪᓗ ᓄᑭᖃᑦᑎᐊᕆᐊᓖᑦ ᕿᓚᒻᒥᐅᓛᒃᑯᑦ ᐊᔪᕈᓐᓃᑐᐊᖅᐸᑕ. ᐊᒫᒪᒍᓐᓃᖅᑎᑦᑎᓂᖅ ᓱᒃᑲᓕᕗᖅ, ᓇᑦᑎᐊᕕᓃᑦ ᐊᓈᓇᒥᓂ ᑕᑯᒃᑲᓐᓂᕈᓐᓇᙱᑦᑐᑦ, ᐃᒥᓃᓐᓇᖅ ᐆᒪᓇᓱᓲᑦ ᓂᕿᒃᓴᖅᓯᐅᓂᕐᒥᑦ.

10. ᖃᓄᖅ ᓇᑦᑎᖅᑕᐅᓲᖑᒻᒪᑕ?

ᓇᑦᑏᑦ ᑕᒪᕐᒥᑲᓴᑦᑎᐊᑦ ᖁᑭᖅᑕᐅᓲᑦ ᓂᐊᖁᒻᒥᒍᑦ. ᖃᐃᕈᓕᓄᑦ, ᕼᐊᑲᐱᒃ ᐅᕝᕙᓘᓐᓃᑦ ᐊᕚᖅᓯᔾᔪᑎᒃ ᐊᑐᖅᑕᐅᓲᖅ ᓯᑯᒦᑎᓪᓗᒋᑦ, ᑕᐃᒪᐃᒐᔪᒍᓐᓃᖅᖢᑎᒡᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᕆᔭᖓᓄᑦ. ᓇᑦᑎᐊᕕᓂᕐᓄᑦ ᐊᒫᒪᒍᓐᓃᖅᑎᑕᐅᓵᖅᑐᓄᑦ ᓯᐊᕐᓇᐅᔪᓄᑦ ᐃᓅᒍᓐᓇᖅᑐᑦ ᓯᑯᒥᑦ ᓄᓇᒥᒡᓘᓐᓃᑦ ᓄᓇᑐᐊᕐᒥᑦ ᐃᓅᒐᔪᓕᖅᑐᑦ, ᑖᓐᓇ ᕼᐊᑲᐱᒃ ᐅᕝᕙᓘᓐᓃᑦ ᐊᕚᖅᓯᔾᔪᑎᒃ ᐊᑐᑕᐅᓲᖅ ᓲᖃᐃᒻᒪ ᑖᒃᑯᐊ ᓇᑦᑏᑦ ᓄᓇᒦᓲᖑᒻᒪᑕ ᓱᓕ ᐊᖑᓇᒃᑕᐅᑎᓪᓗᒋᑦ.

11. ᓱᒻᒪᑦ ᓇᑦᑎᕐᓂᒃ ᐊᕚᖅᓯᓲᖑᕙᑦ?

ᐊᓯᓱᓄᑦ ᖃᐅᔨᓴᕐᓂᒃᑯᑦ, ᖃᐅᔨᔭᐅᓯᒪᓪᓚᕆᑦᑐᖅ ᑖᓐᓇ ᕼᐊᑲᐱᒃ ᐅᕝᕙᓘᓐᓃᑦ ᐊᕚᖅᓯᔾᔪᑎᒃ ᐊᑐᖅᑕᐅᒐᔪᓲᖅ ᑐᖂᑦᑎᓂᕐᒧᑦ ᐊᒫᒪᒍᓐᓃ*ᑐᓂᒃ ᖃᐃᕈᓕᐊᕌᓂᒃ ᐊᒻᒪ ᓯᐊᕐᓇᑦ ᓂᑦᑎᐊᕕᓃᑦ. ᐊᒥᓱᓂᑦ ᐱᔾᔪᑎᒃᓴᑦᑎᐊᕙᒃᑕᓕᒃ ᑕᐃᒪᐃᓕᐅᕐᓂᕐᒧᑦ. ᓂᐊᖁᖏᑦ ᑖᒃᑯᐊ ᓇᑦᑎᐊᕕᓃᑦ ᐊᒥᑦᑐᑯᓘᖕᒪᑕ ᓱᕋᒃᓴᕋᐃᒃᖢᑎᒡᓗ (ᖃᕋᓴᖓᓗ ᓱᕋᒡᓗᓂ) ᐊᑕᐅᓯᐊᖅ ᐅᕝᕙᓘᓐᓃᑦ ᐊᓯᓱᐊᖅᑎᐅᙱᑦᑐᖅ ᐊᕚᖅᑕᐅᓗᓂ ᕼᐊᑲᐱᒃ ᐅᕝᕙᓘᓐᓃᑦ ᐊᕚᖅᓯᔾᔪᑎᒧᑦ, ᑕᐃᒫᔅᓴᐃᓐᓇᖅ ᖁᑭᕆᐊᖅᑕᐅᒍᓂ ᓴᙱᔪᒧᑦ ᖁᑭᐅᑎᖕᒧᑦ. ᑕᐃᒫᒃᑲᓐᓂᖅ, ᐊᑕᐅᓯᐊᕐᓗᓂ ᐅᕝᕙᓘᓐᓃᑦ ᒪᕐᕈᐃᖅᓱᕐᓗᓂ ᐊᕚᖅᓯᑲᐅᑎᒋᙱᑉᐸᑦ ᓇᑦᑎᕐᒥᑦ, ᐊᖑᓇᓱᒃᑎ ᖃᓂᒋᔭᖃᕐᓂᖓᓄᑦ ᐊᕚᕆᐊᒃᑲᓂᕈᓐᓇᖅᑕᖓ. ᑕᐃᒫᔅᓴᐃᓐᓇᖅ ᐅᖃᕈᓐᓇᙱᓚᖅ ᖁᑭᐅᑎᖕᒧᑦ ᖁᑭᖅᑕᐅᓗᓂ ᓂᐊᖁᕐᒧᑦ ᓲᖃᐃᒻᒪ ᐊᔪᕐᓇᕈᓐᓇᖅᑐᖅ ᓂᐊᖁᒃᑯᑦ ᖁᑭᒃᑲᓐᓂᕐᓗᒍ, ᐱᓗᐊᖅᑐᒥᑦ ᐅᖓᓯᒃᑐᒥᑦ, ᐃᑭᖃᖅᑐᖅ ᓇᑦᑎᖅ ᐊᐅᓚᔾᔭᒃᑎᓪᓗᒍ. ᑭᖑᓪᓕᖅᐹᒥᑦ, ᓇᑦᑎᖅ ᑐᖁᖓᔪᖅ ᐃᒫᓅᕋᔭᙱᑦᑐᖅ ᓯᓈᖓᓄᑦ ᖃᓂᒃᐸᑦ ᐊᖑᓇᓱᒃᑎ ᖃᓂᒋᔭᖓᓂ ᓇᖏᖅᑎᓪᓗᒍ ᕼᐊᑲᐱᖕᒧᑦ ᓇᑦᑎᖅ ᖁᑭᖅᑕᐅᖔᕐᓂᕈᓂ ᐅᖓᓯᒃᑐᒥᑦ.

12. ᓱᒻᒪᑦ ᓇᑦᑎᕋᓱᖕᓂᖅ ᐱᐅᕙ?

ᑖᓐᓇ ᓇᒻᒥᓂᖅ ᐃᓱᒪᒋᔭᐅᕗᖅ ᐊᔾᔨᒋᐸᓗᒃᑕᖓ ᖁᓛᓂ. ᓇᓗᓇᐃᕋᔭᖅᐸᑕ ᑐᓴᐅᒪᔪᑎᒃᓴᓂᑦ ᓄᓇᖃᖅᑳᖅᓯᒪᔪᓄᑦ ᐊᒻᒪ ᐃᓄᖕᓄᑦ ᐱᔪᓐᓇᐅᑎᒋᔭᐅᔪᓂᒃ ᐊᒻᒪ ᓇᓕᒧᒌᓐᓂᖓ ᐆᒪᓂᖃᕐᕕᐅᔪᑦ ᑐᕌᖓᔪᑦ ᐃᓅᑉ ᓂᕿᒃᓴᖅᓯᐅᖅᑎᐅᓂᖏᓐᓂᒃ ᑕᐃᒪᐃᓐᓂᖓᓄᑦ ᓇᑦᑎᕋᓱᖃᑦᑕᖅᑐᑦ. ᑕᐃᒫᒃ ᐆᒪᓂᖃᕐᕕᐅᔪᑦ ᓇᓕᒧᒌᖃᑦᑕᖅᑐᑦ ᐊᖑᓇᓱᒃᑕᐅᑦᑎᐊᖅᑎᓪᓗᒋᑦ.

13. ᓇᑦᑎᕋᓱᒍᓐᓇᖅᐹ ᑲᓇᑕᒥ?

ᐄ. ᓇᑦᑎᕋᓱᒍᓐᓇᖅᑐᑦ ᐊᒻᒪ ᒪᓕᒐᕐᓅᖓᔪᖅ ᓇᐅᑦᑎᖅᓱᖅᑕᐅᑦᑎᐊᖅᖢᓂᓗ ᐃᖃᓗᓕᕆᔨᒃᑯᓐᓂ, ᑲᓇᑕᐅᑉ ᒐᕙᒪᒃᑯᖏᓐᓂᒃ. ᓇᑦᑎᕋᓱᒃᑏᑦ ᓚᐃᓴᓐᓯᖃᖅᑐᑦ ᐊᒻᒪ ᐃᓕᓐᓂᐊᖅᒪᔪᖅ ᐊᑐᑦᑎᐊᕐᓂᕐᒥᑦ ᒪᓕᑦᑎᐊᕆᐊᓕᖕᓂᒃ. ᖃᐅᔨᒪᔭᐅᓕ ᐱᔪᓐᓇᐅᑎᒋᔭᐅᔪᑦ ᐃᓄᖕᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᐊᖑᓇᓱᓐᓂᕐᒧᑦ ᓂᕿᒃᓴᖅᓯᐅᕐᓂᕐᒧᑦ ᐊᒻᒪ ᑮᓇᐅᔾᔭᓴᓐᓂᕐᒧᑦ ᐊᔾᔨᒌᙱᑦᑐᒃᑯᑦ ᐊᖏᕈᑎᒃᑯᑦ ᑭᓯᐊᓂ ᑭᒡᓕᖃᙱᑦᑐᑦ ᓄᓇᑖᕈᑎᓂᒃ.

14. ᓇᑦᑎᕋᔭᐃᑦ ᐃᓯᕈᓐᓇᖅᐹ ᐊᒥᐊᓕᒐᓄᑦ?

ᐋᒃᑲ. 1972-ᒥᑦ, ᐊᒥᐊᓕᒐᒃᑯᑦ ᐊᖏᓚᐅᑐᑦ ᐳᐃᔨᓂᒃ ᓴᐳᔾᔨᓯᒪᓂᕐᒧᑦ ᐱᖁᔭᕐᒧᑦ; ᑕᐃᒪᐃᙵᓂ ᐊᒥᐊᓕᒐᓂᑦ ᓂᐅᕐᕈᑎᒃᓴᐃᑦ ᒪᑐᔭᐅᓯᒪᔪᑦ ᓇᑦᑎᕋᔭᖕᓄᑦ.

15. What is the difference between seals and sea lions?

ᓇᑦᑏᑦ ᐊᒻᒪ ᓇᑦᑏᑦ ᓚᐃᔭᓐ ᑕᒪᕐᒥᒃ ᐳᐃᔩᐅᔪᑦ ᖃᐅᔨᒪᔭᐅᓪᓗᑎᒃ ᐱᓂᐸᑦᔅ. ᑕᒡᕙ ᐊᔾᔨᒌᙱᑦᑐᑦ ᑭᓯᐊᓂ ᑖᒃᑯᐊᑐᐊᖑᖏᑦᑐᑦ ᑎᑎᕋᖅᓯᒪᔪᑦ, ᒪᕐᕉᖕᓄᑦ ᐆᒪᔪᐃᑦ ᐊᔾᔨᒌᙱᓐᓂᖏᓐᓄᑦ:

  • ᓇᑦᑏᑦ ᓚᐃᔭᓐ ᑲᔪᓪᓗᑎᒃ, ᓇᑦᑏᑦ ᓯᐊᕐᓇᐅᒐᔪᒃᑐᑦ.
  • ᓇᑦᑏᑦ ᓚᐃᔭᓐ ᓂᐱᖅᑯᖅᑐᔪᑦ – ᕿᓗᓲᑦ! ᓇᑦᑏ ᕿᓗᒃᐸᖏᑦᑐᑦ.
  • ᓇᑦᑏᑦ ᓚᐃᔭᓐ ᐊᖏᓂᖅᓴᓂᒃ ᓯᖅᑯᓖᑦ ᓇᑦᑎᕐᓂᒃ, ᐊᑐᑕᐅᓲᑦ “ᐱᓱᓐᓂᕐᒧᑦ”.
  • ᓇᑦᑏᑦ ᓚᐃᔭᓐ ᓯᓚᑖᓂ ᓯᐅᑎᖏᑦ ᖄᓖᑦ; ᑕᒪᕐᒥᐸᓗᑦ ᓇᑦᑏᑦ ᓯᓚᑖᒍᑦ ᓯᐅᑎᖃᙱᑦᑐᑦ.
16. ᓇᑦᑏᑦ ᑭᓱᑯᑦᑎᖏᑦ ᐊᑐᖅᑕᐅᓲᖑᖕᒪᑕ?

ᐅᓪᓗᒥ, ᐊᒃᓱᕈᓲᑦ ᓇᑦᑎᓕᒫᒥᒃ ᐊᑐᕆᐊᖅᖢᑎᒃ: ᓂᕿᖓ, ᐅᖅᓱᖓ, ᐊᒻᒪ ᕿᓯᖓ.

17. ᓇᑦᑏᑦ ᓄᖑᑉᐸᓪᓕᐊᓕᖅᐹ?

ᑲᓇᑕᒥ ᓇᑦᑏᑦ ᐅᓄᕐᓂᖏᑦ ᐅᓗᕆᐊᓇᖅᑐᒦᙱᑦᑐᑦ; ᐅᓄᕐᓂᖏᑦ ᐆᒪᑦᑎᐊᕆᑦᑐᑦ, ᐅᓄᖅᑐᑦ, ᐅᓄᖅᓯᕙᓪᓕᐊᑐᐃᓐᓇᖅᖢᑎᒡᓗ.

18. ᓇᑦᑏᑦ ᐊᑐᖃᑦᑕᖅᑕᓯ ᐆᒪᔪᒃᑯᕕᒻᒥᙶᖅᐹ ᐅᕝᕙᓘᓐᓃᑦ ᓯᓚᐃᓐᓇᕐᒥᑦ?

ᓇᑦᑏᑦ ᐆᒪᔪᒃᑯᕕᒻᒦᖃᑦᑕᖏᑦᑐᑦ. ᓇᑦᑎᓕᒫᑦ ᐊᑐᖅᑕᐅᔪᑦ ᐱᓕᕆᕝᕕᖕᒥᑦ ᑲᓇᑕᒥ ᓯᓚᐃᓐᓇᕐᒥᑦ ᐱᔭᐅᖃᑦᑕᖅᑐᑦ – ᓯᓚᒥ, ᐃᓚᖃᙱᑦᑐᑦ, ᐊᒻᒪ ᐅᖓᑖᓅᕈᔾᔨᓇᑎᒃ ᐊᖑᓇᒃᑕᐅᔪᑦ.

ᐃᓕᖅᑯᓯᕐᒧᑦ ᐊᒻᒪ ᐃᓅᓯᕐᒧᑦ
1.ᐃᓄᐃᑦ ᖃᖓ ᓇᑦᑎᕋᓱᖃᑦᑕᓕᕐᓂᑰᖕᒪᑕ?

ᐃᓄᐃᑦ ᐊᖑᓇᓱᒃᓯᒪᔪᑦ ᓇᑦᑎᕐᒥᑦ ᐊᕐᕌᒍᑦ 4,000 ᐅᖓᑖᓄᑦ. ᓇᑦᑏᑦ ᐊᑑᑎᖃᓐᓂᖅᐹᖑᓚᐅᖅᑐᑦ ᐊᒃᓱᕈᕐᓇᖅᑐᒥᑦ ᓄᓇᒥ.

2. ᓇᑦᑏᑦ ᑭᓱᒧᑦ ᐊᑐᖅᑕᐅᓚᐅᕐᒪᑕ?

ᓇᑦᑏᑦ ᑭᓱᑯᑦᑎᓕᒫᖏᑦ ᐊᑐᖅᑕᐅᓚᐅᖅᑐᑦ: ᕿᓯᖓ ᐅᖅᑰᓂᕐᒧᑦ, ᐃᔅᓴᔭᙱᑦᑐᓄᑦ ᐊᓐᓄᕌᕐᓄᑦ, ᑲᒦᖕᓄᑦ, ᑐᐱᕐᓄᑦ; ᐊᒥᓕᐊᖓ ᐊᒻᒪ ᐃᕙᓗᖓ ᐃᐱᐅᑕᕐᓄᑦ; ᐅᖅᓱᖓ ᐅᖅᑰᑎᑦᑎᓂᕐᒧᑦ, ᖃᐅᒪᓂᕐᒧᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᕙᓪᓕᕈᑎᖃᑦᑎᐊᕐᓂᖓᓄᑦ; ᓂᕿᖓᓗ ᓂᕆᔭᐅᕙᒃᖢᓂ.

3. ᓇᑦᑎᕋᓱᖕᓂᖅ ᑭᓱᒥᑦ ᑭᒡᒐᖅᑐᐃᖕᒪᑦ ᐃᓄᖕᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᓄᓇᓕᖏᓐᓄᑦ?

ᓇᑦᑎᕋᓱᖕᓂᐅᔪᖅ ᑐᙵᕕᒋᔭᐅᔪᖅ ᐃᓄᖕᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᐃᓕᖅᑯᓯᖏᓐᓄᑦ, ᐱᖅᑯᓯᖏᓐᓂᒃ ᑕᑯᒃᓴᐅᑎᑦᑎᔪᖅ, ᐊᒻᒪ ᐊᔪᕈᓐᓃᖅᓴᐅᑎᓂᒃ ᐊᒻᒪ ᐱᒻᒪᕆᐅᒋᔭᐅᔪᓂᒃ ᓯᕗᓪᓕᕕᓂᕐᓂᒃ ᑭᖑᕚᒃᓴᓄᑦ. ᑲᓲᒪᓂᐅᖕᒥᔪᖅ ᓄᓇᒧᑦ, ᐱᔾᔪᑎᒃᓴᖏᓐᓄᑦ, ᐊᒻᒪ ᐊᖏᓂᖅᓴᒧᑦ ᐆᒪᓂᖃᕐᕕᐅᔪᒧᑦ. ᐊᓯᔾᔨᑉᐸᓪᓕᐊᓂᑰᕗᖅ, ᓇᑦᑏᑦ ᓂᐅᕐᕈᑕᐅᓂᕐᒧᑦ ᐱᒻᒪᕆᐅᕙᓪᓕᐅᓂᑰᔪᑦ ᐊᐅᓪᓚᖅᑎᑕᐅᕙᑦᑐᑦ ᓱᓇᒃᑯᑖᑦ ᑕᐃᒪᐃᕙᖕᒪᑕ, ᐱᒻᒪᕆᐊᓗᒃ ᓄᓇᓖᑦ ᒪᑭᑕᓇᓱᓐᓂᖏᓐᓄᑦ.

4. ᓄᓇᖃᖅᑳᖅᓯᒪᔪᑦ ᓇᑦᑎᕋᓱᒃᐸᒃᑕᖏᑦ ᓇᒦᖃᑦᑕᕐᒪᑕ?

ᐃᓄᐃᑦ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓪᓗ ᐊᔾᔨᒋᐸᓗᒃᑕᖏᑦ ᑕᐃᒃᑯᐊ ᓯᒡᔭᕐᒥᐅᑕᐅᔪᑦ ᓴᐃᐱᐅᕆᔭᒥᑦ, ᐊᓛᔅᑲᒥᑦ, ᓄᓇᑦᓯᐊᕐᒥᑦ, ᓄᓇᕗᒻᒥᑦ, ᑯᐊᐸᒃᒥᑦ, ᓛᐸᑐᐊᒥᑦ, ᐊᒻᒪ ᑲᓛᖦᖡᑦ ᓄᓈᓐᓂᑦ. ᑲᓇᑕᒥᐅᑦ ᐃᓄᐃᑦ ᓄᓇᕗᒻᒥᐅᑕᐅᐸᓗᒃᑐᑦ, ᓄᓇᕕᖕᒥᑦ ᑯᐊᐸᒃ ᑕᕐᕋᖓᓂ ᐊᒻᒪ ᓄᓇᑦᓯᐊᕗᖕᒥᑦ ᓛᐸᑐᐊᒥᑦ. ᐃᓄᕕᐊᓗᐃᑦ ᑕᐅᕙᓂᕐᒥᐅᑕᐅᓪᓗᑎᒃ ᒪᑲᓐᓯ ᑰᖓᓂ, ᐸᐃᖕᒃᔅ ᕿᑭᖅᑕᖓᓂ ᕕᒃᑐᐊᕆᐊ ᕿᑭᖅᑕᐅᑉ ᐃᓚᖓᓂ ᓄᓇᑦᓯᐊᕐᒥᑦ. ᐊᓛᔅᑲᒥᐅᑦ ᐃᓄᑉᐱᐊᑦ ᐅᐊᖕᓇᖓᓂᕐᒥᐅᑕᐅᔪᑦ, ᑕᐃᒃᑯᐊᓕ ᔪᒃᐱᒃ ᐊᓛᔅᑲᐅᑉ ᐱᖓᓐᓇᖓᓂᕐᒥᑕᐅᑕᐅᓪᓗᑎᒃ ᐊᒻᒪ ᐃᓚᒋᔭᐅᓪᓗᓂ ᓱᑯᐊᑦᑲ ᐊᑖᓄᒪᔅ ᐅᒃᕋᒃ ᐅᓛᓴᒥᑦ.

5. ᓇᑦᑎᐅᑉ ᓂᕿᖓ ᖃᓄᖅ ᐱᒻᒪᕆᐅᒋᔭᐅᖕᒪᑦ ᑲᓇᑕᐅᑉ ᐅᐊᖕᓇᖓᓂᕐᒥᐅᑕᖏᓐᓄᑦ?

ᑲᓇᑕᐅᑉ ᐅᐊᖕᓇᖓᓂ, ᓂᐅᕕᕐᕕᖕᒥᑦ ᓂᕿᑖᖑᔪᑦ ᐊᑭᑐᔫᑕᐅᖕᒪᑕ, ᐊᑕᐅᓯᖅ ᓇᑦᑎᖅ ᐊᑐᐃᓐᓇᐅᑎᑦᑎᒍᓐᓇᖅᑐᖅ ᓇᓕᒧᖓᓂ $200 ᓂᒃ ᐅᖓᑖᓄᓘᓐᓃᑦ ᓂᕿᓪᓚᑦᑖᕐᒥᑦ ᐃᓚᒌᖑᔪᓄᑦ – ᑎᒥᒧᑦ ᐊᑑᑎᖃᕐᓂᖅᓴᕐᔪᐊᖑᓪᓗᓂ ᓂᕿᓂᑦ ᓂᐅᕕᕐᕕᖕᒥᙶᖅᑐᓂᒃ.

6. ᖃᓄᐃᑦᑐᓂᑦ ᓇᑦᑎᕋᓱᓲᖑᖕᒪᑕ ᑲᓇᑕᐅᑉ ᐅᐊᖕᓇᖓᓂ?

ᐃᓄᐃᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᖑᓇᓱᓪᓗᐊᑕᓲᑦ ᓇᑦᑎᕐᓂᒃ, ᐊᒥᓲᓃᖅᐹᖓᔪᑦ ᐅᐊᖕᓇᖓᓂ ᓄᓇᓕᕐᔪᐊᕐᒥᑦ. ᐊᖑᓇᓱᒃᑏᑦ ᐅᓄᖅᑐᑦ ᐊᖑᓇᓱᒃᐸᖕᒥᔪᑦ ᖃᐃᕈᓕᖕᓂᒃ, ᐅᒡᔪᖕᓂᒃ ᐊᒻᒪ ᓇᑦᑎᕙᖕᓂᒃ ᑭᓯᐊᓂ ᐅᓄᙱᓐᓂᖅᓴᓂᑦ.

7. ᐃᓄᐃᑦ ᖃᖓᒃᑯᑦ ᑕᐅᖅᓰᖃᑦᑕᓕᓚᐅᕐᒪᑕ ᓇᑦᑎᕋᔭᖕᓂᒃ?

ᓂᐅᕐᕈᑎᖃᕐᓂᕐᒧᑦ ᐊᑭᖓ ᓇᑦᑎᐅᑉ ᖃᐅᔨᔭᐅᙵᓚᐅᖅᑐᖅ ᐅᐊᖕᓇᖓᓂ 1800 ᐃᓱᐸᓗᖏᓐᓂᒃ, ᔫᕈᐲᔭᓐ ᐊᕐᕕᓂᐊᖅᑏᑦ ᑎᑭᖅᑳᖅᑎᓪᓗᒋᑦ ᐊᒻᒪ, ᑭᖑᓂᑦᑎᐊᖓᓂ, ᕼᐊᑦᓴᓐ ᐸᐃᒃᑯᑦ ᑕᐅᖅᓰᖃᑎᖃᓕᓚᐅᖅᑐᑦ ᐃᓄᖕᓂᒃ. ᑕᐃᒪᙵᓂ, ᓇᑦᑏᑦ ᐊᑐᖅᑕᐅᙱᑐᐃᓐᓇᓚᐅᖅᑐᑦ ᓂᕆᔭᒃᓴᓂᖃᑦᑕᕐᓂᕐᒧᑦ, ᑭᓯᐊᓂ ᑮᓇᐅᔭᖅᑖᕈᑕᐅᓕᖅᖢᑎᒃ.

8. ᓇᑦᑎᕋᓱᖕᓂᖅ ᖃᓄᖅ ᐃᑲᔪᕐᓂᖃᕐᒪᑦ ᑮᓇᐅᔾᔭᓴᕐᓂᐅᔪᒧᑦ ᐅᐊᖕᓇᒥᑦ?

ᐅᓗᓪᒥᐅᔪᖅ ᐊᖑᓇᓱᖕᓂᐅᔪᖅ ᐃᓚᒌᖕᓅᖓᔪᖅ ᐊᒻᒪ ᓂᕆᔭᒃᓴᓂᖅᑳᓇᓱᒃᐸᒃᖢᑎᒃ. ᐃᓚᒌᖑᔪᑦ ᓂᕿᒥᑦ ᐲᖅᓯᖅᑳᕋᐃᒻᒪᑕ, ᕿᓯᖏᓪᓗ ᐊᑐᖅᑕᐅᔭᕆᐊᓖᑦ ᐊᒻᒪ ᓴᓇᓂᕐᒧᑦ, ᐊᒥᐊᒃᑯᖏᑦ ᓂᐅᕐᕈᑕᐅᑐᐃᓐᓇᕆᐊᓖᑦ. ᓇᓚᐅᑦᑖᖅᑕᐅᓯᒪᔪᖅ ᓂᐅᕐᕈᑕᐅᕙᒃᑐᑦ ᓇᑦᑎᕋᔭᖕᓄᑦ ᐃᑲᔪᕐᓂᖃᖅᐸᒃᑐᖅ $1 ᒥᓕᐊᓐᓂᒃ ᓄᓇᕘᑉ ᑮᓇᐅᔾᔭᓴᕐᓂᕆᔭᖓᓄᑦ ᐊᕐᕌᒍᑕᒫᑦ.

9. ᖃᓄᖅ ᐊᒃᑐᐊᓂᖃᓚᐅᖅᐸ ᔫᕈᐲᔭᓐ ᐃᓯᖅᑎᑦᑎᑦᑕᐃᓕᒪᓂᖏᓐᓂᒃ ᓇᑦᑎᐊᕕᓂᕐᓂᒃ ᕿᓯᕐᓂᒃ ᐅᐊᖕᓇᖓᓂ ᓄᓇᓕᐅᔪᓂᒃ?

1982-ᒥᑦ, ᔫᕈᐲᔭᓐ ᒐᕙᒪᖓᑦ, ᐊᒃᓱᕈᖅᑎᑕᐅᓪᓗᑎᒃ ᒍᕇᓐᐲᔅ ᐊᒻᒪ ᐊᓯᖏᓐᓂᒃ ᓯᕐᓈᖅᑎᓂᒃ, ᐃᓯᖅᑎᑦᑎᑦᑕᐃᓕᒪᓕᓚᐅᖅᑐᑦ ᓇᑦᑎᐊᕕᓂᕐᓂᒃ ᐊᒥᕐᓂᒃ. ᑭᓯᐊᓂ ᐊᓯᔾᔩᓚᐅᖅᑐᑦ ᐃᓄᐃᑦ ᐊᖑᓇᓱᒃᑎᖏᓐᓄᑦ – ᑐᕌᕐᓂᖃᑐᐃᓐᓇᓚᐅᙱᑦᑐᓂᑦ ᓇᑦᑎᐊᕕᓂᕐᓄᑦ. 1983-ᒥᑦ ᐃᒻᒥᓃᖅᑐᖃᕐᒪᕆᓚᐅᖅᑐᖅ ᐅᐊᖕᓇᖓᑕ ᓯᒡᔭᖅᐸᓯᖏᓐᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ, ᐊᕐᕌᒍᑕᒫᑦ ᑮᓇᐅᔾᔭᓴᙱᓐᓂᖅᓴᐅᓂᖏᑦ (ᓲᕐᓗ: ᐊᕐᕌᒍᑕᒫᑦ ᑮᓇᐅᔾᔭᓴᕐᓂᖏᑦ ᓇᑦᑎᕋᓱᒃᑎᐅᑉ ᖃᐅᓱᐃᑦᑐᕐᒥᑦ ᑲᑕᓚᐅᕐᒪᑦ $1000-ᒧᑦ $54,000-ᓂᒃ), ᐊᒻᒪ ᐊᓯᖏᑦ ᐃᓅᓯᕐᒧᑦ ᐃᓕᖅᑯᓯᕐᒧᓪᓗ ᐊᓯᔾᔨᕐᓂᕐᔪᐊᖑᓚᐅᖅᑐᓄᑦ. ᐊᓯᓱᑦ ᐅᐱᒍᓱᓚᐅᖅᑐᑦ ᐱᓕᕆᔪᒻᒪᕆᐅᓪᓗᑎᒃ ᐊᒻᒪ ᐆᒪᓇᓱᐊᖅᖢᑎᒃ ᓄᓇᒥᓂ ᐊᒃᓱᕈᓕᓚᐅᖅᑐᑦ ᓄᓇᕐᔪᐊᕐᒥᑦ ᑲᑕᒍᑕᐅᕐᔪᐊᓚᐅᖅᑐᒧᑦ.

10. ᖃᓄᖅ ᐊᒃᑐᐊᓂᖃᓚᐅᖅᐸ ᔫᕈᐲᔭᓐ ᔫᓂᐊᓐᑯᑦ ᐃᓯᖅᑎᑦᑎᑦᑕᐃᓕᒪᓂᖏᓐᓂᒃ ᑕᒪᐃᓐᓂᒃ ᓇᑦᑎᕋᔭᓕᒫᓂᒃ?

2009-ᒥ, ᔫᕋᐲᔭᓐ ᔫᓂᐊᓐᑯᑦ ᐃᓯᖅᑎᑦᑎᑦᑕᐃᓕᒪᓚᐅᖅᑐᑦ ᓇᑦᑎᕋᔭᓐᓂᒃ. ᑕᐃᑲᓂ 1983-ᒥᑦ ᖃᓄᐃᓕᐅᕈᑕᐅᓚᐅᖅᑐᒥᑦ, ᔫᕋᐲᔭᓐ ᔫᓂᐊᓐᑯᑦ ᑭᑭᑦᑎᓚᐅᖅᑐᑦ ᐃᓄᖕᓂᒃ ᐊᖑᓇᓱᒃᑎᓂᑦ ᐃᓯᖅᑎᑦᑎᑦᑕᐃᓕᒪᔾᔪᑕᐅᔪᒥᒃ – ᑭᓯᐊᓂ ᐊᒃᓱᕈᓐᓇᖅᑐᒻᒪᕆᐊᓘᓚᐅᖅᑐᖅ, ᕿᓯᕐᓂᒃ ᓂᐅᕐᕈᑎᖃᙱᓐᓂᖅᓴᐅᓪᓗᑎᒃ 90 ᐳᓴᓐᑎᒥᒃ.

11. ᖃᓄᑎᒋ ᐱᒻᒪᕆᐅᕙ ᓇᑦᑎᕋᓱᖕᓂᖅ ᓂᕆᔭᒃᓴᖃᑦᑎᐊᕐᓂᕐᒧᑦ?

ᑎᑭᐅᒪᓗᒍ 70 ᐳᓴᓐᑎ ᐃᓄᐃᑦ ᐃᓪᓗᒻᒥᐅᖃᑎᒌᑦ ᓂᕆᔭᒃᓴᖃᑦᑎᐊᕙᙱᑦᑐᑦ. ᓂᖀᑦ ᐊᑭᑐᔪᒻᒪᕆᐅᔪᓐᓇᕐᒪᑕ ᐅᐊᖕᓇᒥ, ᐊᒻᒪ ᐃᓄᓕᖅᑕᐃᑦ ᐊᒻᒪ ᐊᖑᓇᓱᖕᓃᑦ ᐱᓕᕆᔾᔪᑏᑦ ᐊᓯᐅᕙᓪᓕᐊᓪᓗᑎᒃ. ᓇᑦᑏᑦ ᐊᒻᒪ ᐊᓯᖏᑦ ᐃᓄᓕᖅᑕᐃᑦ ᐊᑯᓂᐊᓗᒃ ᐱᒋᔭᐅᔪᓐᓇᖅᑐᑦ ᐆᒪᑦᑎᐊᕆᓐᓇᖅᑐᓂᒃ ᓂᕿᑦᑎᐊᕙᐅᓪᓗᑎᒃ. ᑲᓇᑕᐅᑉ ᐅᐊᖕᓇᖓᓂ, ᓂᐅᕕᕐᕕᖕᒥᖔᖅᑐᑦ ᓂᕿᓪᓚᑦᑖᑦ ᐊᑭᑐᑎᓪᓗᒋᑦ. ᐊᑕᐅᓯᖅ ᓇᑦᑎᖅ ᐊᑐᐃᓐᓇᐅᑎᑦᑎᒍᓐᓇᖅᑐᖅ ᓇᓕᒧᖓᓂ $200 ᓂᒃ ᐅᖓᑖᓄᓘᓐᓃᑦ ᓂᕿᓪᓚᑦᑖᕐᒥᑦ ᐃᓚᒌᖑᔪᓄᑦᑎᒥᒧᑦ ᐊᑑᑎᖃᕐᓂᖅᓴᕐᔪᐊᖑᓪᓗᓂ ᓂᕿᓂᑦ ᓂᐅᕕᕐᕕᖕᒥᙶᖅᑐᓂᒃ.