ᓇᑦᑎᐅᑉ ᒥᖅᑯᐊ ᐊᒻᒪ ᐊᒥᓕᐊᖅ

ᓂᐅᕐᕈᑎᒃᓴᐃᑦ ᐊᑐᖅᑕᐅᔪᓐᓇᕐᓂᖏᑦ

ᑕᐃᒪᙵᓂᑐᖄᓗᒃ, ᓇᑦᑎᐅᑉ ᒥᖅᑯᐊ ᐊᒻᒪᓗ ᓇᑦᑎᐅᑉ ᕿᓯᐊ ᐊᒥᓕᐊᖅ ᐊᑐᖅᑕᐅᓯᒪᔪᑦ ᓴᐳᔾᔨᓂᕐᒥᑦ ᐃᓄᓐᓂᒃ, ᓄᓇᖃᖅᑳᖅᓯᒪᔪᓂᑦ ᐊᒻᒪᓗ ᐊᓯᖏᓐᓂᒃ ᐅᐊᖕᓇᖓᓂ ᐊᒻᒪ ᓯᔾᔭᑉᐸᓯᖕᒥᐅᑕᐅᔪᓂᒃ ᓄᓇᓕᐅᔪᓂᒃ ᓯᓚᒧᑦ. ᐅᓪᓗᒥᐅᔪᖅ, ᒥᖅᓱᖅᑏᑦ ᐊᒻᒪ ᓴᓇᔩᑦ ᐊᑐᖃᑦᑕᖅᑐᑦ ᒪᑭᒪᑎᑕᐅᒍᓐᓇᖅᑐᓂ ᐋᖅᑭᒋᐊᕈᑕᐅᓪᓗᓂ ᐊᑐᑦᑎᐊᕐᓂᕐᒧᑦ ᐊᒻᒪ ᑕᑯᔪᒥᓇᕐᓗᑎᒃ.

ᐱᖁᑎᒐᓚᐃᑦ

ᓂᕈᒥᐊᒐᑦ, ᐴᒃᓴᐃᑦ, ᑮᓇᐅᔭᒃᑯᕕᑦ, ᐊᒡᒑᒃ, ᓯᐅᒻᒥᐅᑏᒃ, ᖁᖓᓯᕐᒥᐅᑕᖅ, ᖃᕋᓴᐅᔭᕋᓛᓄᑦ ᖄᒃᓴᐃᑦ, ᐊᓯᖏᑦ.

ᐊᓐᓄᕌᑦ

ᐅᑭᐅᖅᓯᐅᑏᑦ ᔭᐃᑲᐃᑦ, ᐅᐊᓯᑯᐃᑦ, ᐊᖏᔪᖅᑕᐃᔭᐃᑦ, ᐊᓯᖏᑦ.

ᑲᒫᓗᐃᑦ

ᑲᒦᖕᓄᑦ, ᒪᒃᓚᒃ, ᐃᓯᒐᐅᔮᒃ, ᐃᓯᖅᓯᒪᔪᖅᓯᐅᑏᒃ, ᐊᐅᔭᖅᓯᐅᑏᒃ, ᐊᓯᖏᑦ.

ᐃᓪᓗᒥᓯᐅᑏᑦ

ᐊᑭᓯᑲᓪᓚᑦ, ᐃᒃᓯᕙᐅᑕᐃᑦ, ᐃᒃᓯᕙᐅᑕᑯᑖᑦ, ᐃᒃᓯᕙᐅᑕᐅᑉ ᖄᒃᓴᖏᑦ, ᓇᑎᕋᐃᑦ, ᐊᓯᖏᑦ.

ᕿᓯᕋᔭᐃᑦ

ᓇᖕᒥᓂᖅ ᓴᓇᒍᒪᒍᕕᓘᓐᓃᑦ ᐃᒡᕕᑦ ᓴᓇᒍᒪᔭᖓᓂ ᓱᕐᕋᓯᒪᙱᑦᑐᒧᑦ ᕿᓯᕐᒧᑦ ᐅᕝᕙᓘᓐᓃᑦ ᐃᓚᓯᒋᐊᕈᒪᒍᕕᑦ ᐃᒡᕕᑦ ᐃᒡᓗᒥᓯᐅᑎᖏᓐᓂᒃ. ᕿᓯᕋᔭᓐᓂᒃ ᐱᒋᐊᖃᓪᓚᕆᑦᑐᑎᑦ! ᕿᓯᕋᔭᐃᑦ, ᑕᒪᒃᑮᓐᓄᑦ ᓇᑦᑎᐅᑉ ᒥᖅᑯᐊ ᐊᒻᒪ ᓇᑦᑎᐅᑉ ᐊᒥᓕᐊᖅ, ᑕᐅᓴᓐᓄᑦ ᐊᕐᕌᒍᓄᑦ ᐊᑐᖅᑕᐅᓯᒪᔪᑦ. ᐊᑐᖅᑕᐅᓲᑦ ᓴᐳᔾᔨᓂᕐᒥᑦ ᑲᓇᑕᐅᑉ ᐅᐊᖕᓇᖓᓂᕐᒥᐅᑕᐅᓂᖅᐹᓂᒃ ᓂᒡᓚᓱᒃᑐᒻᒪᕆᐅᑎᓪᓗᒍ ᐅᑭᐅᒃᑯᑦ. ᓇᑦᑎᕋᔭᖅ ᐊᓂᕐᓂᖃᕐᓇᖅᑐᖅ, ᑭᓯᐊᓂ ᓱᕕᖏᑦᑐᖅ ᐊᒻᒪ ᐅᖅᑰᑎᑦᑎᓲᖑᓪᓗᓂ. ᓇᑦᑎᐅᑉ ᐊᒥᓕᐊᖓ ᕿᑐᒪᔪᖅ ᐊᒻᒪ ᓴᙱᔫᓪᓗᓂ, ᐊᓕᓴᕋᐃᙱᑦᑐᖅ ᐊᒻᒪ ᑐᑯᒥᓇᖅᑐᖅ, ᐱᐅᑦᑎᐊᖅᑐᖅ ᑭᓱᑐᐃᓐᓇᕐᓄᑦ ᐊᑐᖅᑕᐅᒍᓐᓇᖅᖢᓂ.

ᓇᑦᑎᖅ

ᓇᑦᑎᐅᑉ ᑕᑯᒃᓴᐅᑦᑎᐊᖅᑐᑦ ᐊᒻᒪ ᐃᓕᓴᕐᓇᖅᑐᑦ ᐊᒻᒪᓗᖕᓂᖏᑦ ᑭᒡᓕᐊᒍᑦ ᑕᑯᔭᐅᓯᒪᔪᑦ ᐃᓄᐃᑦ ᐊᓐᓄᕌᖏᓐᓂᒃ ᕼᐊᓐᓇᓚᒐᓴᖕᓄᑦ ᐅᑭᐅᓄᑦ. ᓇᑦᑎᐅᑉ ᐊᒥᐊᖓ ᖃᐅᒪᓪᓗᓂ ᓯᐊᕐᓇᐅᓪᓗᓂ ᑕᖅᓴᒐᓛᑦᑎᐊᖅᖢᓂ. ᑕᒪᓐᓇ ᐃᓚᖃᖅᑐᖅ ᑭᒡᓕᐊᒍᑦ ᖃᐅᒪᓪᓗᓂ ᓯᐊᕐᓇᐅᒍᓐᓇᖅᖢᓂ ᕿᕐᓈᖓᑲᓴᒃᖢᓂ.

ᖃᐃᕈᓕᒃ

ᓯᐊᕐᓇᐅᓲᖑᓪᓗᓂ ᐊᒥᐊᖓ ᕿᕐᓂᖅᑕᒥᒃ ᑕᖅᓴᖃᖅᖢᓂ, ᖃᐃᕈᓕᐊᓛᖅ ᕿᓯᖏᑦ ᓂᕈᒥᑦᑐᑦ, ᓇᐃᑦᑐᑦ ᐊᒻᒪ ᕿᕐᓕᖅᑕᐅᔪᑦ ᕿᓯᖓ ᐊᒻᒪ ᓂᐅᕕᐊᒃᓴᕆᔭᐅᓐᓂᖅᐹᖑᓪᓗᑎ.

ᐃᓕᓐᓂᐊᒃᑲᓐᓂᕆᑦ

ᐊᒥᐊᖏᑦ

ᕿᓯᕋᔭᐃᑦ ᓯᐊᕐᓇᐅᓪᓗᑎ ᐊᒥᐊᓖᑦ, ᕿᕐᓈᖓᓪᓗᑎᒃ ᐊᒻᒪᓗᒃᑕᐃᑦ ᐊᒻᒪ ᑐᑭᒧᐊᖅᑐᑦ. ᓄᓇᖃᖅᑳᖅᓯᒪᔪᑦ ᓴᓇᔩᑦ ᓂᕈᐊᑐᐃᓐᓇᕆᐊᓖᑦ ᕿᓯᕐᓂᒃ ᑕᐃᒪᐃᓕᖓᔪᓂᒃ – ᐅᕝᕙᓘᓐᓃᑦ ᖃᐅᒪᓂᖅᓴᒥᒃ ᐊᒻᒪ ᐊᒥᐊᖃᕐᓂᖅᓴᒥᑦ ᐱᖔᕈᒪᑐᐃᓐᓇᕆᐊᓖᑦ.

ᐃᓕᓐᓂᐊᒃᑲᓐᓂᕆᑦ

ᓇᑦᑎᐅᑉ ᒥᖅᑯᐊ ᐱᕚᓪᓕᕈᑎᒃᓴᑦᑎᐊᕙᑦ

Proudly Indigenous Crafts & Designs (PIC&D)

ᐅᖅᑰᔪᒻᒪᕆᐊᓗᒃ

ᐊᑐᖅᑕᐅᓯᒪᔪᖅ ᑕᐅᓴᓐᑎᓄᑦ ᐊᕐᕌᒍᓄᑦ ᓴᐳᔾᔨᓂᕐᒥᑦ ᑲᓇᑕᐅᑉ ᐅᐊᖕᓇᖓᓂᕐᒥᐅᑕᐅᓂᖅᐹᓂᒃ ᓂᒡᓚᓱᒃᑐᒻᒪᕆᐅᑎᓪᓗᒍ ᐅᑭᐅᒃᑯᑦ.

ᓱᕕᖏᑦᑐᖅ ᐊᒻᒪ ᖃᐅᔨᓕᕈᓐᓇᙱᑦᑐᖅ

ᓱᕕᖏᑦᑐᖅ ᐅᖅᓱᑭᓗᐊᕐᓂᖓᓄᑦ ᐊᒻᒪ ᐊᒥᖓ ᐋᖅᑭᒃᓯᒪᓂᕆᔭᖓᓄᑦ.

ᐊᕙᑎᒥᒃ ᓱᕈᐃᙱᑦᑐᖅ

ᓄᓇᒥ ᓱᕈᐃᙱᑦᑐᖅ ᐊᒻᒪ ᒪᑭᒪᑎᑕᐅᒍᓐᓇᖅᑐᓂ ᐊᑐᓕᖅᑕᖏᑦᑐᓄᑦ ᐊᒻᒪ ᐊᕙᑎᒥᒃ ᓱᕈᓐᓇᙱᑦᑐᖅ (ᐊᐅᑦᑕᔫᑦ) ᐊᓐᓄᕌᑦ.

ᐊᓕᓴᕋᐃᖏᓪᓚᕆᑦᑐᖅ

ᐊᔪᕐᓇᖏᑦᑐᖅ ᑐᖅᑯᕆᐊᒃᓴᖅ, ᓴᓗᒻᒪᖅᓴᕆᐊᒃᓴᖅᐊᒻᒪᓗ ᑲᒪᒋᔭᕆᐊᒃᓴᖅ. ᓴᓇᔭᐅᓯᒪᑦᑎᐊᖅᐸᑕ, ᐊᑐᖅᑕᐅᔪᓐᓇᖅᑐᖅ ᐃᓅᑉ ᐃᓄᓯᐊ ᐅᖓᑖᓄᑦ.

ᐱᐅᔪᕐᔪᐊᒻᒪᕆᐊᓗᐃᑦ

ᕿᓰᑦ ᐃᑦᑕᑎᑦᑎᐊᕈᓐᓇᖅᑐᑦ. ᐊᑐᓂ ᕿᓯᐅᑉ ᑕᖅᓴᖏᑦ ᐊᑐᐃᓐᓇᐅᔪᑦ ᐊᔾᔨᒌᙱᑦᑐᓂᑦ ᐊᒥᐊᕐᓂᒃ ᐊᒻᒪ ᓴᓇᓯᒪᓂᖏᓐᓂᒃ.

ᐅᕿᑦᑐᑦ

ᐃᓗᐊᒍᑦ ᒥᖅᑯᖃᙱᒻᒪᑦ, ᕿᓰᑦ ᐅᕿᑦᑐᑦ ᐊᒻᒪ ᐃᔾᔪᓗᐊᕋᑎ ᐋᖅᑭᑦᑎᐊᕈᓐᓇᖅᖢᑎᒃ.

ᐃᑦᑕᕐᓂᓴᓕᓴᐃᑦ ᐊᒻᒪ ᐱᖅᑯᓯᑎᒍᑦ

ᐃᓄᐃᑦ ᐃᓄᖁᑎᒋᔭᐅᔪᑦ ᓇᑦᑎᕐᒧᑦ. ᓇᑦᑏᑦ ᑕᐃᒪᐃᓯᒪᕗᑦ ᐊᒻᒪ ᑕᐃᒪᐃᖏᓐᓇᖅᖢᑎᒃ ᐃᓚᒋᔭᐅᓪᓗᑎᒃ ᐆᒪᓂᖃᕐᕕᐅᔪᓄᑦ ᐅᐊᖕᓇᖓᓂ. ᓄᓇᖅᑳᖅᑲᓯᒪᔪᓕᒫᓪᓗ ᓯᔾᔭᖅᐸᓯᖕᒥᑦ ᓄᓇᓕᐅᔪᓂᒃ ᓄᓇᕐᔪᐊᑉ ᑲᔾᔨᐊᓂ.ᓇᑦᑏᑦ ᐆᒪᕈᑕᐅᓯᒪᔪᑦ ᑖᒃᑯᓄᖓ ᓄᓇᓕᐅᔪᓄᑦ 4000 ᐊᕐᕌᒍᐃᑦ ᐅᖓᑖᓄᑦ, ᑭᓯᐊᓂ ᓇᑦᑏᑦ ᐅᓄᕐᓂᖏᑦ ᐊᒥᓱᕈᖅᓯᒪᔪᑦ ᐅᓪᓗᒥᐅᓕᖅᑐᖅ. ᑕᐃᒪᐃᓐᓂᖓᓄᑦ, ᐊᖑᓇᓱᖕᓂᐅᔪᖅ ᓱᕈᐃᓯᒪᔪᖅ ᒫᓐᓇᐅᔪᖅ ᐱᒻᒪᕆᐅᒋᔭᐅᔪᒥᒃ ᐃᓄᐃᑦ ᐃᓅᓯᖏᓐᓄᑦ. ᓇᑦᑎᕋᓱᖕᓂᖅ, ᐱᖅᑯᓯᑐᖃᒃᑯᑦ ᐊᒻᒪ ᐱᒻᒪᕆᐅᒋᔭᐅᓂᖓᓄᑦ ᓂᐅᕐᕈᑎᖃᕐᓂᕐᒧᑦ, ᒪᑭᒪᑎᑦᑎᔪᑦ ᓄᓇᓕᖕᓂᑦ ᐃᓕᖅᑯᓯᑎᒍᑦ ᐊᒻᒪ ᑮᓇᐅᔾᔭᓴᓐᓂᒃᑯᑦ. ᑕᒪᓐᓇ ᑐᑭᓯᐅᒪᔭᐅᔭᕆᐊᓕᒃ, ᐊᒻᒪ ᐃᒃᐱᒋᔭᐅᑦᑎᐊᕐᓗᓂ.

ᐃᓕᓐᓂᐊᒃᑲᓐᓂᕆᑦ

ᒪᑭᒪᒍᑎᑦᑎᐊᕙᒃ ᓂᕈᐊᕈᑎᑦᑎᐊᕙᒃ

ᓈᒻᒪᒋᔭᐅᖏᓐᓇᓲᖅ, ᐊᕙᑎᒧᑦ ᐊᒻᒪ ᐃᓅᓯᕐᒧᑦ, ᓇᑦᑎᐅᑉ ᑭᓱᑯᑦᑎᓕᒫᖏᑦ ᐊᑐᖅᑕᐅᑦᓯᐊᖃᑦᑕᕐᓗᑎᒃ. ᓄᓇᖃᖅᑳᖅᓯᒪᔪᑦ ᓄᓇᓕᐅᔪᑦ ᓇᑦᑎᓕᒫᒥᑦ ᐊᑐᑦᑎᐊᖃᑦᑕᖅᑐᑦ. ᓇᑦᑎᕋᓱᒃᐸᒃᑐᑦ ᐃᓱᒪᓘᓐᓇᙱᑦᑎᐊᖅᑐᖅ ᐆᒪᔫᑉ ᖃᓄᐃᓐᓂᕆᔭᖓᓄᑦ. ᑕᒪᓐᓇ ᐃᓱᒪᖃᓯᐅᑎᕗᖅ ᐃᓅᓯᕆᔭᐅᔪᖅ ᓄᓇᓕᐅᔪᒥᒃ ᐊᒻᒪ ᓂᕆᔭᒃᓴᓂᖃᑦᑕᕐᓂᕐᒧᑦ ᑕᐃᒫᒃ ᐊᖑᓇᖃᑦᑕᖅᑐᑦ. ᕿᓯᕋᔭᐃᑦ ᕿᑦᑎᕆᔭᐅᓲᑦ ᒪᔾᔭᒃᖢᑎᒃ ᐅᕝᕙᓘᓐᓃᑦ ᕿᑐᒻᒪᒃᓴᖅᑕᐅᓂᒃᑯᑦ. ᑕᒪᓐᓇ ᑲᒪᒋᔭᖃᑦᑎᐊᕐᓂᐅᕗᖅ ᒥᖅᑯᖓᓂ ᐅᕝᕙᓘᓐᓃᑦ ᐊᒥᓕᐊᖓᓂ, ᐊᓕᓴᕋᐃᖏᓪᓗᓂ, ᕿᑐᒪᓗᓂ ᐊᒻᒪ ᐱᐅᔪᓐᓃᓂᐊᖏᒻᒪᑦ. ᑲᒪᒋᔭᐅᑦᑎᐊᕈᓂ, ᓇᑦᑎᐅᑉ ᒥᖅᑯᐊ ᐊᒻᒪ ᐊᒥᓕᐊᖓ ᐊᕐᕌᒍᒐᓵᓗᓐᓄᑦ ᓱᕋᒐᔭᙱᑦᑐᖅ; ᐊᓕᓴᕋᐃᙱᑦᑐᑦ ᓂᐅᕕᐊᒃᓴᐃᑦ ᐊᑯᓂ ᐱᒋᔭᐅᒍᓐᓇᖅᑐᑦ.